ფრაზები, რომლებიც ბავშვის დამშვიდებაში დაგვეხმარება
როდესაც ბავშვი მოიზრდება, იწყებს სიარულს და ლაპარაკს, რატომღაც ვფიქრობთ, რომ ის ზრდასრულის მსგავსად შეგვატყობინებს საკუთარ გრძნობებსა და მოთხოვნებს. მაგრამ ეს ასე არ არის.
სკოლამდელი ასაკის ბავშვებისთვის ტირილი ყოველთვის ცუდ ხასიათს არ უკავშირდება. ეს არის სხვადასხვა ემოციებთან გამკლავების მეთოდი. ბავშვის ფსიქიკა არასრულყოფილია და როდესაც ის გადატვირთულია შფოთვით, შიშით და ბედნიერებითაც კი, ძლიერ ემოციაზე ბუნებრივი რეაქცია ცრემლებია. ბავშვს არ ესმის რას გრძნობს და ვერ გამოთქვამს სიტყვებით.
ჩვენი მიზანია დავეხმაროთ პატარას ემოციურ თვითრეგულაციაში. ყველაზე კარგი იქნება თუ ბავშვის მიმართ თანაგრძნობას გამოვიჩენთ.
ხშირად მშობლები ტირილის შესაჩერებლად ცდილობენ ბავშვის ყურადღების სხვა თემაზე გადატანას. ეს საუკეთესო სტრატეგია არ არის, რის შედეგადაც პატარა ვერ ისწავლის ზოგიერთი ემოციის გადატანას.
როდესაც ბავშვი სათამაშოს გამო ჩხუბობს, სრულიად ლოგიკურია, რომ სხვა სათამაშოზე გადავატანინოთ ყურადღება. შემდეგში, როდესაც ბავშვი იტირებს შეეცადეთ გამოძებნოთ დრო და დააწყნაროთ. თუ თქვენ თავად გაბრაზდებით და გამოავლენთ მის მიმართ აგრესიას, ამით უფრო დაამძიმებთ სიტუაციას. შეეცადეთ დააწყნაროთ ბავშვი შემდეგი სიტყვებით:
მზად ვარ დაგეხმარო. მაშინაც კი თუ ბავშვს არ უნდა თქვენი დახმარება მისთვის სასიამოვნოა იმის ცოდნა, რომ საჭიროების შემთხვევაში თქვენი მხარდაჭერის იმედი უნდა ჰქონდეს.
ვხედავ რომ გიჭირს - მარტივი სიტყვებია, რომლებიც გაგრძნობინებს რომ გამჩნევენ და გისმენენ.
მესმის, რომ გაბრაზებული /შეშინებული/ ხარ და ეს ნორმალურია. სხვადასხვა ემოციის შეგრძნება ნორმალურია, რაც ადამიანებად გვაქცევს.
ძალიან სამწუხაროა,/გასაგებია რომ ამან გაგანაწყენა... ასე ვაღიარებთ ემოციის მაპროვოცირებელ ტრიგერს და დავეხმარებით ბავშვს გავაგებინოთ, თუ რამ გამოიწვია მისი ცრემლები.
მოდი შევისვენოთ - ზოგჯერ დასამშვიდებლად ერთგვარი შესვენებაა საჭირო. თუ ბავშვი ძალიან დაიღალა ან აღგზნებულია და ამიტომ ტირის, მას გარკვეული დრო სჭირდება ცალკე გაატაროს და მხოლოდ შემდეგ დაუბრუნდეს საქმიანობას.
მიყვარხარ, ჩემთან ნურაფრის გეშინია - როდესაც ბავშვს ეშინია, გულნატკენია, მას სჭირდება მშობლებთან კონტაქტი. მოეხვიეთ, ჩაეხუტეთ და უთხარით რომ გვერდით ხართ და მუდამ დაეხმარებით.
დახმარება გჭირდება? კიდევ ხომ არ ცდი?- როდესაც ბავშვი ტირის მას უნდა დავეხმაროთ რომ გაუმკლავდეს იმას, რაც არ გამოსდის, ან მივცეთ სიტუაციიდან დასვენების საშუალება ან კიდევ ერთხელ მივცეთ შანსი. ამ კითხვების დასმით ბავშვს აჩვენებს, რომ რასაც ის აკეთებს თქვენთვისაც ძალიან მნიშვნელოვანია.
გახსოვს, როდესაც შენ... შეიძლება მოგვეჩვენოს რომ ამ სიტყვებით ბავშვის ყურადღების გადატანას ვცდილობთ ძლიერი ემოციებიდან. მაგრამ ეს ასე არ არის. როდესაც ბავშვს ახსენებთ სიხარულის, ბედნიერების მომენტებს, თითქოს გრძნობაზე მოგყავთ იმისათვის რომ აუხსნათ ამჟამინდელი სიტუაცია.
მოვიფიქროთ უკეთესად როგორ მოვიქცეთ - საბოლოო ჯამში გვინდა ბავშვებს დავეხმაროთ ნებისმიერ ემოციასთან დამეგობრებასა და მისი გადატანის საშუალებების მოძებნაში.
შეეცადეთ ბავშვის ტირილის დროს, გახდეთ მისთვის საყრდენი, გამოავლინეთ თანაგრძნობა, მიეცით ბავშვს სივრცე საკუთარი თავის გამოსავლენად.