როგორ მოვარიდოთ ბავშვი კომპიუტერის მონიტორს - მკურნალი.გე

რუბრიკები

ოჯახის მკურნალის ანონსი

ივლისი 2020

კითხვა-პასუხი

როგორ მოვარიდოთ ბავშვი კომპიუტერის მონიტორს

როგორ მოვარიდოთ ბავშვი კომპიუტერის მონიტორს
კომპიუტერი დღეისათვის შეუცვლელი მოწყობილობაა. მას იყენებენ სამუშაოდ, ინფორმაციის მოსაძიებლად, გამომთვლელი მანქანის, ნავიგატორის, გასართობი და ა.შ. ფუნქციით.


რა გავაკეთოთ, თუ ამ „თანამედროვე სათამაშოზე“ დამოკიდებული გახდა ბავშვი?


ცხადია, ის მას სამეცნიერო სტატიების წასაკითხად არ გამოიყენებს, უბრალოდ, მთელი დღეები ითამაშებს ან იქნება სოციალურ ქსელში. ამის შედეგად, ვითარდება სწავლისადმი სრული აპათია. უამრავი მავნე და არასაჭირო ინფორმაცია ანაგვიანებს ბავშვის ტვინს, რომელიც ფსიქიკაზე უარყოფით გავლენას ახდენს. სტატისტიკით, ყოველ მეორე ოჯახშია პრობლემა, როგორ მოვაშოროთ ბავშვი კომპიუტერის მონიტორს.

ყველა ღონისძიებას უნდა მივმართოთ, რომ ეს პრობლემა სამომავლოდ არ წამოიჭრას. როგორც
წესი, კომპიუტერთან შეჩვევა იწყება მაშინ, როდესაც ბავშვს აქვს მაქსიმალურად თავისუფალი დრო და მინიმალური ყურადღება მშობლებისგან. შესაძლებელია, რეალურ სამყაროში რაღაც სირთულეები ჰქონდეს, მას არ ჰყავს მეგობრები, ჩაკეტილია, პრობლემები აქვს სწავლაში, რომელთა დამოუკიდებლად გადაჭრასაც ვერ ახერხებს, კონფლიქტები ოჯახში. ასეთ შემთხვევაში, ის ქვეცნობიერად ეძებს სხვა სამყაროს, სადაც მაქსიმალურად
კომფორტულად იგრძნობს თავს. სწორედ აქ მოდის მხსნელად ვირტუალური სამყარო. მნიშვნელოვანია, გავითვალისწინოთ მშობლებმა, რომ ამ პრობლემას ყვირილითა და დასჯით ვერ გადაჭრით. სხვა მეთოდებით მოქმედებაა საჭირო.

პირველ რიგში, უნდა განისაზღვროს, რა პრობლემები შეიძლება ჰქონდეს ბავშვს, როგორი ურთიერთობა აქვს მას თანაკლასელებთან, აქვს თუ არა სირთულეები სწავლისას. შეიძლება ბავშვი რომელიმე საგანში ჩამორჩება. ასეთ შემთხვევაში, ნამდვილად დასჭირდება დამატებითი მეცადინეობა.

თუ ბავშვს რთული ურთიერთობა აქვს თანაკლასელებთან, აუცილებლად უნდა გამოვავლინოთ მიზეზი. საჭიროების შემთხვევაში, არც სკოლისა და კლასის ცვლილება შეიძლება იყოს ზედმეტი, თუ ეს ერთადერთი გამოსავალი იქნება შექმნილი სიტუაციიდან.

აუცილებელია გამოვნახოთ დრო ბავშვთან ერთად სუფთა ჰაერზე სეირნობისთვის. თუ მას კატეგორიულად არ სურს სახლიდან გამოსვლა, საგანგაშო არაფერია, ნუ დააძალებთ. მშობლები უნდა ესაუბრონ ბავშვებს. ყურადღება მიაქცევინეთ გარემოზე, უპასუხეთ ბავშვის მიერ დასმულ კითხვებს, აუხსენით გაუეგებარი მოვლენები და ა.შ.

ძალიან მნიშვნელოვანია დღის რეჟიმი. დასაწყისში ეს მარტივი არ იქნება, მშობლების მხრიდან მუდმივი კონტროლი და ნებისყოფა იქნება საჭირო. დღის რეჟიმი შეიძლება ბავშვთან ერთად შეადგინოთ, მასში კომპიუტერიც ჩართეთ, მხოლოდ მკაცრად შეუსაბამეთ ბავშვის ასაკს.

ბავშვის კომპიუტერის მონიტორის ეკრანიდან მოშორება შესაძლებელია. მშობლებს უკიდურესი სიბრძნე და მოთმინება მოეთხოვებათ, თუმცა, ბავშვის აღზრდა მარტივი ნამდვილად არ არის.

თუ გინდათ, რომ თქვენი შვილი გაიზარდოს წარმატებული, გაწონასწორებული ადამიანი, ყველაფერი ადრეული ასაკიდან უნდა დაიწყოთ.


მუსიკის თერაპია ყველასათვის


თანამედროვე სამყარო ისეა მოწყობილი, რომ ყველაფერი მოსწრებაზეა. ადამიანები ზოგჯერ ძალიან დაძაბულები არიან, რაც დამღუპველად მოქმედებს მათ ჯანმრთელობაზე. მუსიკის თერაპია ამშვიდებს ადამიანს, აშორებს დაგროვილ ფსიქიკურ დაძაბულობას და გონების მოკრების საშუალებას აძლევს.

ჯერ კიდევ ბავშვობაში დედის ნაზი იავნანას ჰანგებია მუსიკალური თერაპიის პირველი სეანსები.

სპეციალისტები ამუშავებენ კატალოგებს, რომლ­ებიც დაეხმარება გარკვეული დაავადების შესაბამისი მუსიკის შერჩევაში. ამგვარ მუსიკალურ წამალს არ გააჩნია გვერდითი მოვლენები და ერთგვარად სასიამოვნოცაა.

მუსიკის მძლავრი მოქმედება აიხსნება მოსმენის პროცესში ადამიანის ტვინში მიმდინარე რთული რეაქციებით. მაგალითად, ემოციური დაძაბვით გამოწვეული თავის ტკივილის დროს მოცარტისა და ლისტის მოსმენას გვირჩევენ.

უარყოფითი ემოციების შემცირება შესაძლებელია ბახისა და ჰაიდნის მუსიკით. დაუკმაყოფილებლობისა და აღელვების გრძნობა შეიძლება დავძლიოთ შოპენის, შუბერტის, ბეთჰოვენის, ბრამსისა და დებიუსის მუსიკით.

რადგანაც ადამიანის სულში მუსიკალური შედევრების ზემოქმედებით ცოცხლდება განუმეორებელი ემოციები, დატკბით შოპენის მაზურკებითა და პრელუდიებით, შტრაუსის ვალსებით. ასე ნაკლებად შეგაწუხებთ შფოთი და საკუთარი შესაძლებლობების რწმენასაც შეიძენთ.

მუსიკით თერაპია აქვეითებს სისხლის წნევას, რადგანაც გული სინქრონულად სცემს სწორად შერჩეულ ნაწარმოებთან.

მუსიკის თერაპიას არ გააჩნია უკუჩვენება, ამიტომ კლასიკური მუსიკის მოსმენისას უმჯობესდება თვითგანწყობა და მნიშვნელოვნად მატულობს ცხოვრებისეული ტონუსი.
გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
ავსტრალიელმა მეცნიერებმა გამოიკვლიეს, რა გავლენას ახდენდა ბუნებაში თამაში 2-12 წლის ბავშვების
არც ისე დიდი ხანია, მთელი მსოფლიო კორონავირუსის საფრთხემ პრაქტიკულად სახლებში გამოკეტა.
მოგეხსენებათ, კორონავირუსული ინფექციის გავრცელების ასარიდებლად, საბავშვო ბაღებში, დღის ცენტრებსა
პატარებს ხშირად ძალიან ეშინიათ ძაღლების. რა შეიძლება იყოს ამის მიზეზი და როგორ დავეხმაროთ ამ შიშის დაძლევაში?
(მშობლებო, გამოფხიზლდით და დაფ იქრდით!) ექსპერტები ინტერნეტდამოკიდებულებას ხშირად ადარებენ ნარკომანიას.
პატარა ბავშვები ძალიან ცნობისმოყვარეები არიან. სწორედ ამიტომ, ნებისმიერ ნივთსა თუ საგანს, რომელიც მათ ყურადღებას იპყრობს,
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად