ლელა მებურიშვილი: ჩემს შვილებს შაქარი მართლა არასდროს გაუსინჯავთ
ბევრი ცდილობს, საკუთარი რაციონიდან მაქსიმალურად განდევნოს ეს პროდუქტი, თუმცა საქმე-საქმეზე რომ მიდგება, ცოტას თუ გამოსდის მასზე უარის თქმა...
ყველასათვის საყვარელმა მსახიობმა და ტელე-წამყვანმა ლელა მებურიშვილმა შაქრის მავნე თვისებებზე ბევრი წაიკითხა და გადაწყვიტა, შვილების - ლილიკოსა და ალექსანდრეს - მენიუსთვის არ გაეკარებინა, თუმცა, რამდენად მოახერხა, ამაზე mkurnali.ge-სთან ისაუბრებს.
- მაქსიმალურად ვცდილობ, თავადაც არ მივიღო შაქარი. ყავას, ჩაის უშაქროდ მივირთმევ. ვცდილობ, ტკბილელიც ნაკლებად მივირთვა. ჩემს შვილებს შაქარი მართლა არასდროს გაუსინჯავთ, თაფლით ვუტკბობ ხოლმე ფაფას. რა თქმა უნდა, ტკბილეული მთლიანად არ მაქვს ამოღებული მათი მენიუდან, შოკოლადს ჭამენ, მაგრამ მწარეს, ნაკლებ შაქრის შემცველს, სახლში გამომცხვარ ორცხობილას და კექსსაც მიირთმევენ. კანფეტს საერთოდ არ ჭამენ, არანაირს. გაზიანი სასმელი არ გაუსინჯავთ არასდროს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მინდა ბედნიერები იყვნენ, მაგრამ სიხარული და ბედნიერება მხოლოდ პირის ჩატკბარუნებასთან ხომ არ ასოცირდება?! ვცდილობ სხვა რამეებით გავანებივრო.
- მაგალითად რითი?
- დედასთან და მამასთან ხშირი ურთიერთობით, რაც ვფიქრობ, ბავშვებისთვის არის ძალიან, ძალიან აუცილებელი. რაც არ უნდა უსაყვარლესი, ბებიები, ბაბუები, ძიძები ჰყავდეთ გვერდით და მზრუნველობა არ მოაკლონ, დედის და მამის სითბო მაინც ყველაზე მეტად საჭიროა ბავშვებისთვის. მათი გაბრწყინებული თვალებიც ამას მოწმობენ. ერთად როცა ვართ, ვიგონებთ ახალ-ახალ თამაშებს, ვეცნობი მათ მისწრაფებებსა და ინტერესებს და შემდეგ სათამაშოებს სწორედ ამ ინტერესების მიხედვით ვყიდულობ, ზუსტად იმას ვჩუქნი, რაც მათი განვითარებისთვის ყველაზე მეტად მნიშვბნელოვანი და საინტერესოა.
საახალწლოდ ნაძვის ხე ერთად მოვრთეთ. მაგიდაზე მხოლოდ ის ტკბილეული გვიდევს, რაც ბავშვებისთვის სასარგებლობა, თუმცა ზომიერების დაცვა მაინც პრობლემაა ხოლმე.
- გოზინაყი არ გასინჯეს?
- სხვათაშორის, არ გაუჩნდათ სურვილი, მიუხედავად იმისა, რომ ძალიან უყვართ ცალ-ცალკე თაფლიც და ნიგოზიც.
-რამხელები არიან? მოგვიყევი მათზე...
- 3 და 5 წლისანი არიან. ლილიკო ძალიან თბილი გოგოა, სულ ამბობს : "აქ მაკოცე", "ჩემხუტე". ის მეტად გამოხატავს მამის მიმართ სითბოს, ვიდრე სანდრო. სანდროს დედა და ბებიები რომ ეფერებიან, მოსწონს გატრუნულია ხოლმე, ხოლო მამა, ბიძა, ბაბუები რომ ეფერებიან, იშმუშნება, კაცობს...
- თოვლის ბაბუა გსტუმრობთ ხოლმე?
- რა თქმა უნდა. წელს ვუთხარი, ბევრი საქმე აქვს თოვლის ბაბუას და იქნებ მხოლოდ საჩუქერები გამოგვიგზავნოს, აღარ მოვიყვანოთ, დაიღლება-თქო, მაგრამ შეწუხდნენ, - არა, ვთხოვოთ რომ მოვიდეს და ჩვენთან დავასვენოთო. ცდილობდნენ კარგად მოქცეულიყვნენ რომ თოვლის ბაბუას არ დაზარებოდა კარგ ბავშვებთან სტუმრობა. გაიხარეს, როცა მოვიდა - ლექსები უთხრეს, სიმღერები, ჩაეხუტნენ და ბევრი ითამაშეს ერთად.
ძალიან მიყვარს თქვენი საიტი, ყოველთვის ბევრ საინტერესოს ვიგებ თქვენგან. mkurnali.ge-სა და მის მკითხველს ვულოცავ ახალ და ძველით ახალ წელს. ყველა ოცნება აგხდენოდეთ 2020 წელს.
ეკა სალაღაია
