სიკვდილმისჯილის წერილი დედას
ნამდვილია თუ ვინმეს მიერ შეთხზული დიდაქტიკური მოტივით, თუმცა სიმართლის მარცვალი რომ არის მასში და ყველა დედისთვის საგულისხმოა, ეს უდავოა.
„ამერიკის ერთ-ერთი ციხიდან სიკვდილმისჯილი პატიმარი გამოიყვანეს სასჯელის აღსასრულებლად... ციხის უფროსს მან ფურცელი და კალამი სთხოვა უკანასკნელი წერილის დასაწერად...
წერილი დედას!
- დედა სამართალი უფრო აღსრულდებოდა, დღეს რომ ჩემთან ერთად შენც სიკვდილით ისჯებოდე, რადგანაც მე რომ ასეთი ვარ, შენი დამსახურებაა.
პირველად ველოსიპედი რომ მოვიპარე, შენ გადამალე რომ არავის გაეგო, შემდეგ მეზობელს ფული რომ მოვპარე, დამიცავი და ვერავინ დაამტკიცა, მე რომ მოვიპარე, ის ფული კი სავაჭრო ცენტრში დავხარჯეთ. მამა რომ მტუქსავდა ცუდი საქციელის გამო, შენ სულ მიცავდი და მამა ამიტომ სახლიდან გააგდე. როდესაც სკოლაში სხვებზე ვძალადობდი, შენ მთელს სკოლას დაუპირისპირდი და მასწავლებელს ეჩხუბებოდი, მე კი არასდროს მამტყუნებდი, აი შედეგიც - მე მონსტრად ვიქეცი, შენ მაქციე მონსტრად... მადლობელი ვარ, სიცოცხლე რომ მაჩუქე, მაგრამ არასოდეს გაპატიებ, არასწორი აღზრდით რომ უკან წამართვი.
ერთს გთხოვ მხოლოდ: ეს წერილი ბევრ დედას წააკითხე, ჩემნაირი შვილი რომ არ აღზარდოს....“