ბავშვი და ზღვა - მკურნალი.გე

რუბრიკები

ოჯახის მკურნალის ანონსი

თებერვალი 2020

კითხვა-პასუხი

ბავშვი და ზღვა

ბავშვი და ზღვა
ზაფხულში ბავშვებთან ერთად ზღვაზე დასვენება, სიამოვნების გარდა, ყოველთვის გარკვეულ დაძაბულობას, შფოთსა და საფრთხის მოლოდინს უკავშირდება. ზღვა ძალიან სასარგებლოა, თუ ყველა ნიუანსს გონივრულად მივუდგებით. დასვენება, ცურვა, თამაში უდიდეს სიამოვნებას ანიჭებს ბავშვს. ეს არის ორგანიზმის, ნერვული სისტემის, ფსიქიკის საოცარი განტვირთვა.

ზღვის წყალი, ჰაერი, მზის სხივები აკაჟებს სხეულს. გარდა ამისა, ზღვა ყოველთვის დადებით ემოციებს აღუძრავს ბავშვებს, ამაღლებს განწყობას. ცურვა, ქვიშაში თამაში, ნავით, ზღვის ველოსიპედითა თუ კატერით გასეირნება წარუშლელ შთაბეჭდილებებად გროვდება ბავშვის ცნობიერებაში. ეს სასიამოვნო წუთები უსიამოვნო შემთხვევამ რომ არ ჩაგვამწაროს, ზოგი რამ უნდა გავითვალისწინოთ:



წყლის პროცედურები


სასურველია, საზღვაო სეზონისთვის ბავშვი წინასწარ მოამზადოთ: რეგულარულად დაუზილეთ სხეული სველი ტილოთი, გადაავლეთ გრილი შხაპი, ასწავლეთ ყელის ამორეცხვა მარილიანი წყლით - ამის წყალობით ბავშვი ადვილად აღარ გაცივდება. კურორტზე ჩასვლისთანავე შეამოწმეთ წყლის სიღრმე, წყალქვეშა ღრმულები. ნუ მისცემთ ბავშვს უფლებას, უფროსის გარეშე წყალში ღრმად შეცუროს. წყლის სიღრმე ბავშვის სიმაღლეს არ უნდა აღემატებოდეს. ბავშვი წყალში უფროსების მეთვალყურეობის გარეშე არ უნდა ჩავიდეს, მაშინაც კი, როცა დამცავი ჟილეტით, საცურაო რგოლით ან ლეიბით არის შეიარაღებული.

აუცილებლად შეამოწმეთ, თბილია თუ არა წყალი - მისი ტემპერატურა 20 გრადუსზე ნაკლები არ უნდა იყოს. ნუ დართავთ ბავშვს ნებას, ზღვაში ერთბაშად შეცუროს - ამან შესაძლოა კრუნჩხვა გამოიწვიოს. დაე, ჯერ გაიაროს წყალში, შეეჩვიოს ტემპერატურას, შემდეგ ოდნავ ღრმად შევიდეს და მხოლოდ ამის შემდეგ დაიწყოს ცურვა. ნუ მისცემთ წყალში 15 წუთზე მეტხანს დარჩენის უფლებას.


ბავშვი და მზე

ბავშვის კანი მეტისმეტად მგრძნობიარეა ულტრაიისფერი სხივების მიმართ. პირველ დღეებში მხოლოდ ჩრდილში უნდა გაირუჯოს, მაგრამ მზისგულზე ნურც მერე გაჩერდება 15-20 წუთზე მეტხანს. სასურველია, მზეზე მსუბუქი ზედატანი ან მაისური ეცვას, ქუდი კი აუცილებლად უნდა ეხუროს! აუცილებლად უნდა ესვას მზისგან დამცავი კრემიც, თავდაპირველად - არანაკლებ 50-ის ტოლი ინდექსით, 7-10 დღის შემდეგ კი შეგიძლიათ შPF-40-30-იც გამოიყენოთ. კრემი ყოველი ბანაობის შემდეგ ხელახლა უნდა გადაუსვათ. იზრუნეთ დასალევ წყალზე, რათა თავიდან აიცილოთ ორგანიზმის გამოშრობა და სითბური დაკვრა. თუ ბავშვი სისუსტეს, თავის ტკივილს ან გულისრევის შეგრძნებას უჩივის, ეს შესაძლოა გადახურების მაუწყებელი იყოს. მაშინვე გადაიყვანეთ ჩრდილში, დაალევინეთ წყალი, დაზილეთ სველი პირსახოცით. თუ მზემ დაწვა, დამწვარ ადგილებზე წაუსვით დამწვრობის საწინააღმდეგო საშუალება. დამწვარ ადგილებს ნუ შეუხვევთ, ნურც ცხიმოვან კრემს წაუსვამთ.


არ მოადუნოთ ყურადღება!

სამწუხაროდ, ზღვის სანაპირო ზოლზე ყოველთვის ხალხმრავლობაა და პატარა ადვილად შეიძლება დაიკარგოს. უსაფრთხოების წესები აქაც ისევე უნდა დაიცვათ, როგორც ქუჩაში ყოფნისას: არ დატოვოთ ბავშვი უმეთვალყურეოდ არც ერთი წუთით, ნუ მისცემთ მას თქვენგან მოშორებით თამაშის უფლებას. აუკრძალეთ უცხო ადამიანებთან საუბარი, მათთან შეხება, მათ მიერ მოწოდებული ნივთისა თუ ტკბილეულის გამორთმევა. ნუ მისცემთ უცნობ ადამიანებთან თამაშის უფლებას.

მშობლები ხშირად გვეკითხებიან, საჭიროა თუ არა, სასკოლო ასაკის ბავშვებს ზაფხულში მეცადინეობა დავაძალოთ. ფსიქოლოგებს მიაჩნიათ, რომ ეს სარგებლობას ვერ მოგვიტანს. ბავშვს დასვენება სჭირდება, ზაფხული კი ის დროა, როცა ბავშვი ფსიქოლოგიურად სწორედ დასვენებისა და განტვირთვისთვის არის განწყობილი. მას სწავლისა და განვლილი მასალის განმეორებისთვის განწყობა არ ექნება, უამისოდ კი ვერც შედეგს მივიღებთ. უკიდურეს შემთხვევაში, შეიძლება მივაწერინოთ წერილები ახლობლებისთვის, მეგობრებისთვის, ვახატვინოთ, შევაგროვებინოთ ჰერბარიუმი, ერთად წავიკითხოთ საბავშვო წიგნები. სწავლის დაწყებამდე ორი კვირით ადრე შეიძლება შევახსენოთ გრამატიკის, არითმეტიკის წესები...
გააკეთეთ კომენტარი
კომენტარი არ გაკეთებულა
დიეტოლოგია
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
კატეგორიის სხვა სტატიები
პატარა ბავშვები ძალიან ცნობისმოყვარეები არიან. სწორედ ამიტომ, ნებისმიერ ნივთსა თუ საგანს, რომელიც მათ ყურადღებას იპყრობს,
შაქარს ზოგი ორგანიზმის "თეთრ მტრად" მოიხსენიებს , ზოგი - "მზაკვარ მეგობრად" , ზოგი - "თეთრ სიკვდილსაც" უწოდებს.
ეს წერილი უცხოურ საიტებზე გავრცელდა და მილიონობით ნახვა და გაზიარება აქვს. ზუსტად არავინ იცის,
ბარსელონას გლობალური ჯანდაცვის ინსტიტუტის მეცნიერებმა 2000-ზე მეტი წყვილის (დედა-შვილი) შესწავლით დაადგინეს
ნანა ბერ­ძე­ნიშ­ვი­ლი, რომ­ლის 13 წლის შვი­ლი ორი წლის წინ გახ­მა­უ­რე­ბულ ონ­ლა­ინ­თა­მაშს "ლურჯ ვე­შაპს" ემსხვერ­პლა,
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
ყველაზე ხანდაზმული ქალი მსოფლიოში, 116 წლის კეინ ტანაკა იაპონიაში, ფუკუოკეში ცხოვრობს.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად