შვილებთან სასიამოვნოდ და სასარგებლოდ დასვენების 5 წესი! - მკურნალი.გე

რუბრიკები

ოჯახის მკურნალის ანონსი

აგვისტო 2019

კითხვა-პასუხი

შვილებთან სასიამოვნოდ და სასარგებლოდ დასვენების 5 წესი!

შვილებთან სასიამოვნოდ და სასარგებლოდ დასვენების 5 წესი!
ზაფხული პერიოდია, რომელიც ჩვენს შვილებს კიდევ უფრო მეტად გვაახლოებს.
როგორ ვაქციოთ ერთად გატარებული არდადეგები და შვებულება სასიამოვნოსთან ერთად სასარგებლოც, ამაში "ლოგომედი - მეტყველების განვითარების და კორექციის ცენტრის" კომუნიკაციის თერაპევტი, განათლების ფსიქოლოგიის მაგისტრი - ანი ბზიკაძე დაგვეხმარება:

მშობლებს შევახსენებ როგორი იყო მათი არდადეგები: დილის ძილი, ტელევიზორის წინ უდარელად გატარებული საათები, დღეში რამდენჯერმე ცივი ნაყინი, მეგობრებთან ერთად სეირნობა, ბებოს გამომცხვარი ტკბილეულობა, რაც შეეხება სწავლასა და წიგნებს, ისინი ზოგიერთის "საზაფხულო მენიუში" შედიოდა, ზოგიერთს კი - მათი გახსენებაც არ სურდა.
ჩვენი შვილები კონკურენტუნარიანნი რომ იყვნენ
საზაფხულო "ღონისძიებათა" ჩამონათვალი აუცილებლად უნდა ითალისწინებდეს აკადემიური უნარების განმავითარებელ აქტივობებს, ბავშვი საზაფხულო არდადეგებისასაც გონებრივადაც აქტიური უნდა იყოს.

წესი 1
შეადგინეთ ყოველდღიური გრაფიკი
დაგეგმილი ყოველდღიურობა ნებისმიერი საქმის წარმატების საწინდარია.
განსაზღვრეთ გამოღვიძების, ტელევიზორთან ჯდომის, თამაშის და წიგნებთან გასატარებელი დრო. აქტივობების დაგეგმვაში აუცილებლად დაიხმარეთ ბავშვი.
გააკეთეთ დიდი, ლამაზი
დაფა (თვალსაჩინოება ბავშვს დავალების უკეთ აღქმაში დაეხმარება), რომელზეც ჩამოწერთ აქტივობებს, დაფა ბავშვთან ერთად ლამაზად გააფორმეთ და ყოველი შესრულებული პუნქტიც ერთად მონიშნეთ.

mkurnali.ge


წესი 2
ყოველი დღე საინტერესო უნდა იყოს
საინტერესო ყოველდღიურობა მეორე ნაბიჯია ჩვენს მიერ ჩამოწერილი დღის გეგმების შესასრულებლად, ისინი აუცილებლად ბავშვის ინტერესებს უნდა მოერგოს.
• წიგნებისთვის გამოყოფილი დრო უნდა დავუთმოთ ისეთ გამოცემებს, რომლებიც ბავშვის ინტერესის სფეროს უკავშირდება, ამასთან ისინი ბავშვის ასაკობრივ განვითარებას და უნარებს უნდა შეესაბამებოდეს;
• ყოველთვის წინასწარ დაგეგმეთ რას გააკეთებთ ხვალ თამაშისთვის განკუთვნილ დროში: დახატავთ, ითამაშებთ სამაგიდო თამაშებს , ბავშვი მეგობართან ერთად იქნება და ა.შ;
• თქვენი პატარასთვის ძალზედ საინტერესო და სამახსოვრო იქნება ეზოში ან ბაღში ერთად სეირნობისას მცენარეების, ცხოველების, მწერების შესახებ მიღებული ინფორმაცია.
• ბავშვთან ერთად ყოფნისას გაითვალისწინეთ, რომ ერთი შეხედვით არაშემეცნებითი საქმიანობები საკმაოდ ხშირად სხვადასხვა უნარის განვითარების სტიმულია, მაგალითად, შეაგროვეთ კენჭები ან ნიჟარები ზღვის პირას, ყოველივე ეს პატარას ნატიფი მოტორული უნარების განვითარებაში დაეხმარება.
• საპნის ფერადი ბუშტების ბერვა ერთგვარი სუნთქვითი ვარჯიშია, რომელიც მას არა მხოლოდ გრიპისა და გაციების პროფილაქტიკაში დაეხმარება, მის განწყობასა და მეხსიერებაზეც აისახება დადებითად.
• ბავშვი ყოველთვის ბედნიერია როცა მას ეთამაშებით. გადააქციეთ მოსაწყენი მგზავრობა დიდ შოუდ, იმღერეთ მასთან ერთად, მოაწყვეთ ვიქტორინა , მიეცით ბავშვს უფლება დაგისვათ უამრავი კითხვა და გაეცით მათზე პასუხი.

mkurnali.ge


წესი 3
მიეცით არჩევანის უფლება
გაზარდეთ დამოუკიდებლები _ ნუ შეასრულებთ მათ ნაცვლად იმას, რისი კეთებაც თავადაც შეუძლიათ, მიეცით არჩევანის უფლება დაჯდეს იმ სკამზე, სადაც უნდა, თუ ასაკი და გარემო ამის საშუალებას იძლევა გაუშვით სკოლასა და მაღაზიაში მარტო, მიეცით ბავშვს უფლება თავად გადაიხადოს საზოგადოებრივ ტრანსპორტში თანხა.

საყიდლებზე წასვლისას შედით მაღაზიაში ცალკ-ცალკე, თავად აირჩიოს ის, რისი ყიდვაც საჭიროა და აუცილებლად განმარტოს რატომ სურს კონკრეტული პროდუქტისა თუ საგნის შეძენა. დაუტოვეთ ხურდა, დათვალოს იგი და მიიღოს ჯილდოს სახით. ანგარიში სასარგებლოა, ჯილდო - სასიამოვნო!

პატარას ყოველთვის სიამოვნებს იმის შეგრძნება, რომ დამოუკიდებელია და მშობელი მას ენდობა, ეს ზრდის მის მოტივაციას გააკეთოს მეტი და სწრაფადვე განვითარდეს.

mkurnali.ge


წესი 4
განუვითარეთ სოციალური უნარები
სოციალური უნარების განვითარება და შედეგად სოციალური ურთიერთობები ცხოვრების ყველა ასპექტში უმნიშვნელოვანესია. ბავშვის სოციალური უნარების განვითარებაზე ადრეული ასაკიდან უნდა ვიზრუნოთ. სოციალური ინტერაქციისას ბავშვები ხვდებიან რამდენად მნიშვნელოვანია, გაზიარება, გუნდურობა, კეთილსინდისიერება.
ჯგუფური თამაშებისას ისინი სწავლობენ მოთმინებას, რწმუნდებიან იმაში, თუ რამდენად მნიშვნელოვანია გუნდური შეთანხმებული ქმედება. ამგვარი ქმედებით თამაშში მოპოვებული გამარჯვება ზრდის მათ თვითშეფასებას, ხოლო მარცხი ასწავლი, რას ნიშნავს იმედგაცრუება და როგორ შეიძლება მასთან გამკლავება.

mkurnali.ge


წესი 5
ყურადღების კონცენტრირება და სწორად განაწილება
ყურადღების კონცენტრირება და მის სწორად გასანაწილებელი უნარების გამომუშავება შესაძლებელია ფაზლების აწყობით.
როგორ? მიეცით მას ფაზლი და რეგლამენტირებული დრო, რომელშიც უნდა ამოცანა დაასრულოს, ეს დაეხმარება მას გადაანაწილოს ყურადღება ისე, რომ საბოლოოდ დავალება სწორად და დათქმულ დროში შეასრულოს. ფაზლების აწყობა ბავშვის დიდ მონდომებას, უნარს და შეუპოვრობას მოითხოვს, დავალების შესრულებისას ბავშვი იწყებს სხვადასხვა შესაძლო ვარიანტის განხილვას, თუ ფაზლს ვერ აწყობს შესაბამისი სურათის მიხედვით, იწყებს სწორი კუთხეების ძებნას რათა საერთო სურათის შექმნა გაუადვილდეს.

ისეთი თამაში, როგორიცაა ჭადრაკი ბავშვის დიდ ყურადღებას და ლოგიკურ აზროვნებას მოითხოვს, ასევე მსგავსი თამაშები ბავშვის პრობლემის გადაჭრის და სტრატეგიულად ფიქრის უნარებს ანვითარებს.

mkurnali.ge

აქციეთ ტრადიციული სადილი გასართობ თამაშად - მიეცით ბავშვს საშუალება დახუჭული თვალებით გამოიცნოს რა მოუმზადა დედამ. შეძლებს თუ არა ის პირველივე ცდაზე გამოიცნოს რომელი ხილი ან ბოსტნეული მიირთვა. სად იზრდება კონკრეტული საკვები და რა პირობებია ამისთვის საჭირო, რა ფერია, როგორი ფორმისაა და როგორი გემო აქვს.


გააკეთეთ კომენტარი
კომენტარი არ გაკეთებულა
რეკომენდებული პროდუქტები
ხელს უწყობს ძლიერი ორგანიზმის ჩამოყალიბებას.30პასტილი
ფასი: 29.9
რეკონვალესცენციის პერიოდში-14აბი
ფასი: 38.6
მხედველობის ჯანმრთელობისთვის -60 აბი
ფასი: 39.9
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
მსგავსი სიახლეები
მეცნიერთა საეთაშორისო ჯგუფმა დაამტკიცა, რომ დედის რძე მთელი ცხოვრება იცავს ადამიანს
18-06-2019
ცუდი სარძევე კბილების არსებობას ბევრი მემკვიდრულ ფაქტორს უკავშირებს, თუმცა, როგორც მელბურნის ბავშვთა
29-05-2019
სო­ფელ აღა­ი­ან­ში 16 წლის ბავ­შვი, რო­მე­ლიც ამავდრო­უ­ლად დედა იყო, სა­კუ­თა­რი 7 თვის შვი­ლის მკვლე­ლი გახ­და. პო­ლი­ცი­ე­ლებ­მა და­ნა­შა­უ­ლის ად­გი­ლი­დან
23-05-2019
დიეტოლოგია
დასავლეთ ავსტრალიის უნივერსიტეტის თანამშრომლები დარწმუნებულები არიან, რომ ფინჯანი ჩაის ან ერთი
ექსპერტებმა დაასახელეს ბადრიჯანის სასარგებლო თვისებები, რის გამოც ის აუცილებლად უნდა ჩართოთ საკვებ რაციონში.
ნიუ-იორკის ბინგემტონის უნივერსიტეტის მეცნიერებმა დაასკვნეს, რომ ადამიანს ახალგაზრდობაში უფრო მეტად ესაჭიროება
კატეგორიის სხვა სტატიები
პედიატრები გვირჩევენ ჩვილები მყარ ზედაპირზე, ყოველგვარი ბალიშის გარეშე დავაძინოთ. ჩვილების
სადღეისოდ საყოველთაოდ აღიარებული ტანსაცმლის ფერები გოგონებისა და ბიჭუნებისათვის შესაბამისად ვარდისფერი და ცისფერია.
როგორ მოვიქცეთ, როცა ბავშვს ყელში რამე გადასცდება და ახველებს. პირველი, რაც ამ დროს თავში მოგვდის,
ბავშვისთვის ბევრი სეირნობაა საჭირო. რაც უფრო ადრე გაიყვანთ სუფთა ჰაერზე, მით ჯანმრთელი იქნება ის.
გრიპი მწვავე ინფექციური დაავადებაა, ხასიათდება სასუნთქი გზების ანთებით.
ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად