თამაშები გონებრივი განვითარებისთვის - მკურნალი.გე

რუბრიკები

ოჯახის მკურნალის ანონსი

მაისი 2019

კითხვა-პასუხი

თამაშები გონებრივი განვითარებისთვის

თამაშები გონებრივი განვითარებისთვის
ბოლო დროს სათამაშოების მაღაზიებში ასაწყობი სურათები მომრავლდა. ეს თავსატეხები, რომელთა აწყობა ხანგრძლივი და შრომატევადი სამუშაოა, დიდებსაც ძალიან მოსწონთ და სიამოვნებით უთმობენ დროს. თავდაპირველად მოგითხრობთ, საიდან იღებს სათავეს ეს სახალისო და მართლაც გონივრული გამოგონება. 1762 წელს ინგლისელმა გამომცემელმა, ჯონ სპილბერგმა, საზოგადოებას დაჭრილი გეოგრაფიული რუკა წარუდგინა. შავ-თეთრი გრავიურა ლიბანური კედრისა და წითელი ხის თხელ ფირფიტაზე დაეწებებინათ, მერე კი პატარა ფრაგმენტებად დაეხერხათ. სიახლე თვალის დახამხამებაში აიტაცეს. რაღა არ დაშალეს ნაწილებად: პორტრეტები, ისტორიული ბრძოლების ამსახველი ნახატები და ბიბლიურ სიუჟეტებზე შექმნილი სურათებიც კი. ახალი გასართობი მყიდველებს
ძალიან მოსწონდათ, თუმცა იმხანად ყველას როდი შეეძლო მათი შეძენა. მერე კი, როცა მუყაო გამოიგონეს, თავსატეხებიც გაიაფდა და ყველასთვის ხელმისაწვდომი გახდა.


პირველი სურათი


ასაწყობი სურათის შეძენისას უპირველესად იმაზე დაფიქრდით, შეესატყვისება თუ არა იგი თქვენი შვილის ასაკსა და განვითარებას. დღეს არჩევანი მართლაც დიდია. გაიხსენეთ, რომელი მულტფილმები უყვარს
თქვენს პატარას ყველაზე მეტად - „ფიფქია და შვიდი ჯუჯა“, „წითელქუდა“, „მაუგლი“... ისიც გაითვალისწინეთ, რომ თუ თავსატეხი მეტისმეტად იოლი გამოდგა, ბავშვი მას ხელსაც არ დააკარებს, რთულმა კი შეიძლება სულ დააკარგვინოს თამაშის ხალისი. ყურადღება მიაქციეთ, რომ ბავშვებმა მექანიკურად კი არ შეაერთონ ფრაგმენტები, არამედ ლოგიკური კავშირი იპოვონ მათ შორის. მაგალითად, ასეთი: ციყვი და თხილი, ქათამი და კვერცხი... თავსატეხი თქვენ თვითონაც შეგიძლიათ გააკეთოთ: აიღეთ მარტივი ნახატი, მუყაოზე დააწებეთ და სამ-ოთხ ნაწილად გაჭერით.


3-დან 5 წლამდე

3 წლის ბავშვს უკვე შესწევს უნარი, უფრო რთული, 8-10 ფრაგმენტისგან შემდგარი სურათებიც ააწყოს. ამ ასაკის ბავშვს აინტერესებს არა მხოლოდ დეტალების ფორმა, არამედ თვით გამოსახულებაც. კიდევ ერთი: თავდაპირველად ნახატზე ერთი საგანი, მაგალითად, დათვი ან თოჯინა უნდა ეხატოს, მერე და მერე კი ამოცანა თანდათანობით გაართულეთ, მიეცით ბავშვს თავსატეხები, რომლებიც უფრო მეტი ფრაგმენტისა და უფრო რთულსიუჟეტიანი გამოსახულებისგან შედგება. ერთი რამ გახსოვდეთ: ბავშვებს უყვართ ისეთი რამის კეთება, რაც იოლად გამოსდით. ეს მათ თავდაჯერებას მატებთ. ასე რომ, დე ააწყონ ერთი და იგივე სურათი, სანამ არ მოსწყინდებათ, მერე კი შეგიძლიათ ახალი თავსატეხი მისცეთ.


მოგვიანებით


ბავშვმა, რომელიც უკვე მიჩვეულია ფრაგმენტებისგან სურათების აწყობას, თქვენი დახმარებით შეიძლება უფრო რთული თავსატეხიც ამოხსნას, რომელიც 100 და მეტი ფრაგმენტისგან შედგება. თუ პატარა გონიერია და სწრაფად აზროვნებს, მარტო, მშობლის დაუხმარებლადაც აწყობს სურათს, მაგრამ მაინც აჯობებს, თავსატეხს ერთად გაუმკლავდეთ, ერთად განიხილოთ მისი სიუჟეტი, რათა ბავშვი ლოგიკურ მსჯელობას, რთული ამოცანების გააზრებას და ამოხსნას მიეჩვიოს. მშობლებთან ერთად კი ასეთი საქმიანობა უფრო სახალისოა - ბავშვი მეტად არის მოტივირებული, უხარია, როცა თავის გამოჩენის შესაძლებლობა ეძლევა, მშობლებისგან კი საქებარი სიტყვების გაგონება მისთვის ძალიან მნიშვნელოვანია. თავსატეხის აწყობა რამდენიმე მიზეზის გამოა სასარგებლო:

  • არააგრესიული თამაშია;
  • აფართოებს თვალსაწიერს;
  • ბავშვს დაკვირვების უნარს გამოუმუშავებს - მისი აწყობისას ხომ უმცირესი დეტალების შემჩნევაა საჭირო;
  • გამოუმუშავებს ჩვევას, აქეთ-იქით არ მიმოფანტოს ნივთები - სურათის ასაწყობად ხომ ყველა დეტალი აუცილებელია;
  • ხვეწს ხელის მოძრაობას, რაც აუცილებელია სკოლამდელი ასაკის ბავშვის საერთო განვითარებისათვის;
  • ეხმარება ხატოვანი აზროვნების განვითარებას;
  • ამშვიდებს ნერვულ სისტემას, ავითარებს მოთმინების უნარს, ნებისყოფას, კონცენტრირების უნარს, ეს თვისებები კი პატარას სკოლაში ძალზე გამოადგება;
  • მშობლებს საშუალებას მოგცემთ, დროულად შეამჩნიოთ, ხომ არ უჭირს თქვენს შვილს ფერებისა და ფორმების გარჩევა;
  • ეს თამაში (განსაკუთრებით მაშინ, თუ ახალია) ავადმყოფობის დროს საოცრად ამშვიდებს ბავშვს და თვალის დახამხამებაში ავიწყებს ყელის ტკივილსა თუ სხვა უსიამოვნებებს;
  • და, რა თქმა უნდა, თავსატეხი პირდაპირ მისწრებაა, როცა სამუშაო გაქვთ და გსურთ, შინ სიმშვიდე იყოს.
გააკეთეთ კომენტარი
კომენტარი არ გაკეთებულა
რეკომენდებული პროდუქტები
ანთების დროს ტკივილის შესამცირებლად-30აბი
ფასი: 43.9
მხედველობის ხელშეწყობისთვის-60აბი
ფასი: 44.9
სიცოცხლისთვის აუცილებელი ვიტამინები
ფასი: 27.9
მსგავსი სიახლეები
ბეილორის უნივერსიტეტის მეცნიერები რომანტიულ ურთიერთობაში მყოფ ადამიანებს ურჩევენ, ერთად ხშირად
21-02-2019
რამდენიმე წუთის წინ დიღმის მასივის მე-5 კვარტლის 25 ბ კორპუსის მე-8 სართულიდან 14 წლის ბიჭი გადმოხტა.
05-03-2018
ჯანდაცვის მსოფლიო ორგანიზაცია თამაშებზე დამოკიდებულებას დაავადებათა საერთაშორისო კლასიფიკაციაში შეიტანს,
25-01-2018
დიეტოლოგია
დიდი ბრიტანეთის დიეტოლოგებმა, კვლევების საფუძველზე, განაცხადეს, რომ არსებობს პროდუქტების ნაკრები, რომელიც
ცნობილია, რომ ნიგოზი ებრძვის კიბოს, აქვეითებს ანთების დონეს, ამუხრუჭებს დაბერების პროცესს და
გარგარი შეიცავს პექტინს - ნაერთს, რომელსაც ღვიძლიდან მავნე ნივთიერებების გამოდევნის უნარი გააჩნია. პექტინი
კატეგორიის სხვა სტატიები
სადღეისოდ საყოველთაოდ აღიარებული ტანსაცმლის ფერები გოგონებისა და ბიჭუნებისათვის შესაბამისად ვარდისფერი და ცისფერია.
როგორ მოვიქცეთ, როცა ბავშვს ყელში რამე გადასცდება და ახველებს. პირველი, რაც ამ დროს თავში მოგვდის,
ბავშვისთვის ბევრი სეირნობაა საჭირო. რაც უფრო ადრე გაიყვანთ სუფთა ჰაერზე, მით ჯანმრთელი იქნება ის.
გრიპი მწვავე ინფექციური დაავადებაა, ხასიათდება სასუნთქი გზების ანთებით.
ცნობილი ექიმი და ბავშვთა ჯანმრთელობის შესახებ 15 წიგნის ავტორი კომოროვსკი წლების განმავლობაში მშობლებს,
მუცლის შებერილობას იწვევს აირების ჭარბი დაგროვება, ამის შესამცირებლად იყენებენ პრეპარატებს, რომლებიც ხელს უწყობს ნაწლავში დაგროვილი აირების შთანთქმას.
რა დაავადებაა პნევმოსკლეროზი, როგორ ვლინდება იგი და რას გულისხმობს ამ პათოლოგიის პროფილაქტიკა,
ტესტით სისხლში იძებნება დაავადებისთვის დამხასიათებელი დნმ-ის ფრაგმენტი, რაც ინვაზიური სადიაგნოსტიკო
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად