ციანოზი ბავშვებში
ციანოზი ადვილად დგინდება თვალით. ციანოზის აღმოსჩენად საუკეთესო საშუალება ფრჩხილების, ლორწოვანი გარსის და ენის დათვალიერებაა.
ციანოზს განაპირობებს არტერიული სისხლის ჟანგბადით არასაკმარისი გაჯერება და იგი შესამჩნევი ხდება მაშინ, როდესაც სისხლში უჟანგბადო ჰემოგლობის დონე კრიტიკულ ზღვარს მიაღწევს.
გამოყოფენ შემდეგი სახის ციანოზს:
პერიფერიულს - როდესაც კანი მოლურჯო შეფერილობას ირებს ლოკალურად(მაგალითად, ტუჩების ირგვლივ) ცენტრალურს - ვლინდება მთელ სხეულზე, ასევე ლორწოვანზე. პერიფერიული ციანოზი ბავშვთა ასაკში, განსაკუთრებით ჩვილ ბავშვებში ხშირად ნორმალური მოვლენაა და სისხლძარღვთა ადგილობრივ სპაზმს უკავშირდება(შესაძლოა განვითარდეს სხეულზე ცივი ჰაერის ან ცივი წყლის ზემოქმედების შედეგად).
ცენტრალურს - არასდროს არ არის ნორმა. ის ყოველთვის ასოცირდება არტერიულ სისხლში ჟანგბადის მკვეთრად დაბალ შემცველობასთან.
ცენტრალური ციანოზის განვითარების შესაძლო მიზეზებია:
სასუნთქი სისტემის დაავადებები(სასუნთქი გზების ობსტრუქცია, კრუპის სინდრომი, ბრონქიოლიტი, პნევმონია,ასთმა)
გულ-სისხლძარღვთა დაავადებები (გულის თანდაყოლილი დეფექტები, ფილტვების პირველადი ჰიპერტენზია, გულის შეგუბებითი უკმარისობა.
ციანოზის შემთხვევაში უმჯობესია მიმართოთ პედიატრს. ყურადღება უნდა მიაქციოთ შემდეგ სიმპტომებს:
რა სიხშირით ვლინდება ციანოზი
რა ხანგრძლივობით აღინიშნება ციანოზის ეპიზოდები
ახლავს თუ არა ხველა, ქოშინი, ხმაურიანი სუნთქვა, არის თუ არა ბავშვის ზრდა განვითარება ასაკის შესაბამისი, ჰქონდა თუ არა უკანასკნელ პერიოდში კონტაქტი ინფექციურ დაავადებასთან.
