როგორი უნდა იყოს ბავშვის კბილების ამოსვლის თანმიმდევრობა
ქვედა ყბის ცენტრალური საჭრელი კბილები - 6-7 თვე.
ზედა ყბის ცენტრალური საჭრელი კბილები - 8-9 თვე.
ზედა ყბის გვერდითი საჭრელი კბილები - 9-11 თვე.
ქვედა ყბის გვერდითი საჭრელი კბილები - 11-13 თვე.
ზედა და ქვედა ყბის მცირე საღეჭი კბილები 12-15 თვე.
ზედა ყბის ეშვები 16-18 თვე.
ქვედა ყბის ეშვები - 18-20 თვე.
ზედა და ქვედა ყბის დიდი საღექჭი კბილები - 24-30 თვე
30 თვის ასაკში, ბავშვს უკვე აქვს 20 სარძევე კბილი.
კბილების ნაადრევი ამოსვლა ან დაგვიანება 1 - 2 თვით, პათოლოგიად არ ითვლება.
ზოგადად, კბილების ამოსვლის ვადებზე, გავლენას მრავალი მიზეზი ახდენს, როგორიცაა მაგალითად: გენეტიკა, საკვების თავისებურება, ენდოკრინული სისტემის მდგომარეობა, გადატანილი ინფექციები და სხვადასხვა დაავადება, რომელიც ნივთიერებათა ცვლის დარღვევით მიმდინარეობს.
კბილების ამოსვლას, ზოგჯერ, თან ახლავს სხვადასხვა სახის დისკომფორტი და პრობლემები, როგორიცაა ნერწყვის დენის გაძლიერება, ღრძილების შეშუპება, მტკივნეულობა და ამით გამოწვეული ჭირვეულობა. კბილების ამოსვლა, ზოგჯერ, ასოცირებულია სხეულის ტემპერატურის მატებასთან.
ბავშვებს 4 თვის ასაკიდან, ეწყებათ გაძლიერებული ნერწყვდენა, რაც ბუნებრივი პროცესია და არ არის აუცილებელი, იგი კბილების ამოჭრას ემთხვეოდეს.
ზოგ შემთხვევაში, კბილების ამოსვლა, არავითარ პრობლემასთან არ არის დაკავშირებული და ეს პროცესი, სრულიად უმტკივნეულოდ მიმდინარეობას.
კბილების ამოსვლა, ზოგჯერ, გვიანდება. საყურადღებია თუ კბილების ამოსვლა 3 - 4 თვით დაგვიანდა, ხოლო თუ 1,5 – 2 წლის ასაკში, ბავშვს კბილები არ ამოსდის, სპეციალისტის დაუყოვნებელი კონსულტაციაა საჭირო.