როგორ ვლინდება ბავშვებში წითურა - მკურნალი.გე

რუბრიკები

ოჯახის მკურნალის ანონსი

ივლისი 2020

კითხვა-პასუხი

როგორ ვლინდება ბავშვებში წითურა

როგორ ვლინდება ბავშვებში წითურა
წითურა ვირუსით გამოწვეული მწვავე ინფექციური დაავადებაა. მას ახასიათებს წვრილი გამონაყარი და ლიმფური კვანძების გადიდება. სხეულის ტემპერატურის მომატება და თავის ტკივილი სუსტადაა გამოხატული. წითურას გამომწვევი წითელას ვირუსის მსგავსი ვირუსია.

ანტიბიოტიკები, სხვა ვირუსთა მსგავსად, უეფექტოა. ის საკმაოდ მდგრადია გარემო ფაქტორებისადმი, შეიძლება შენარჩუნდეს ოთახის ტემპერატურაზე. ულტრაიისფერ გამოსხივებაზე კი მაშინვე იღუპება. ნადგურდება სადეზინფექციო საშუალებებისა და ტემპერატურის ზემოქმედებითაც.


როგორ ხდება დასნებოვნება


ინფექციის წყარო დაავადებული ადამიანი და ჯანმრთელი ვირუსმატარებელია.

დაავადებული გადამდებია გამონაყარის გამოვლენამდე 1-2 დღე, გადადების ალბათობა ქვეითდება გამონაყარის გაქრობასთან ერთად. ვირუსი გადაეცემა ჰაერწვეთოვანი გზით. დასნებოვნება შესაძლებელია
საგნებიდანაც, მათ შორის სამედიცინო ინსტრუმენტებითაც. ყველაზე სახიფათოა მუცლადყოფნის პერიოდში დედიდან შვილზე ინფექციის გადაცემა.

დაავადების შემდეგ იმუნიტეტი არამყარია. შესაძლებელია მოზრდილთა მეორეული დასნებოვნება, ანუ მათი, ვინც ბავშვობისას წითურა გადაიტანა. ამ შემთხვევაში დაავადება უსიმპტომოდ და წაშლილი ფორმით, ანუ გამოვლინებების გარეშე მიმდინარეობს.


რა ხდება ორგანიზმში


ვირუსი აღწევს სასუნთქი გზების
ლორწოვანი გარსიდან, რომლის უჯრედებშიც მრავლდება ინკუბაციის პერიოდში. ამის შემდეგ ის აღწევს ლიმფურ კვანძებში და იწვევს მათ გადიდებას.


როგორ მიმდინარეობს დაავადება


ინკუბაციური პერიოდი 11-22 დღე გრძელდება. როგორც წესი, გამონაყარის გამოჩენამდე დაავადება არ ვლინდება ან მსუბუქადაა გამოხატული სურდოსა და სხეულის ტემპერატურის უმნიშვნელო მომატებით.

ტიპური გამოვლინებაა კისრის ლიმფური ჯირკვლების გადიდება, რაც მტკივნეულიც შეიძლება იყოს. ეს ვითარება ნარჩუნდება 10-14 დღე და ხშირად შეუიარაღებელი თვალითაც შესამჩნევია.

გამონაყარი ჩნდება სახესა და კისერზე, რამდენიმე საათში კი მთელ სხეულზე ვრცელდება. ჩვეულებრივ, ის ვლინდება კიდურების გამშლელ ზედაპირზე, დუნდულოებზე, ზურგზე. გამონაყარი ვარდისფერია, მრგვალი ან ოვალური ფორმის, ქინძისთავის ზომის.

გამონაყარის ირგვლივ კანი არ იცვლება, ლაქები ერთმანეთს არ ერწყმის. მეორე დღეს გამონაყარი, ჩვეულებრივ, მკრთალდება, მესამე დღეს უფრო იშვიათი და მცირე ზომის ხდება, შემდეგ კი უკვალოდ ქრება.

იშვიათად მის ადგილზე რჩება უმნიშვნელო პიგმენტაცია, რაც ასევე რამდენიმე დღეში ქრება. გამონაყარის გამოჩენისას ტემპერატურამ შეიძლება 38-39°С-მდე აიწიოს, თუმცა, ნორმალურ მაჩვენებელზეც შეიძლება დარჩეს.

მოზრდილებთან წითურა უფრო მძიმედ მიმდინარეობს, მაღალი ტემპერატურით, თავისა და კუნთების ტკივილით. ორსულობის პირველ 2-3 თვეს დასნებოვნებისას იწვევს ნაყოფის სიკვდილსა და ორსულობის შეწყვეტას, ან ნაყოფის სიმახინჯეებს. ორსულობის უფრო მოგვიანო ვადაზე დასნებოვნებისას, ასეთი პათოლოგიები იშვიათია, მაგრამ, ნებისმიერ შემთხვევაში, თანდაყოლილი წითურისას პროგნოზი არაკეთილსაიმედოა.


მკურნალობა

ჩვეულებრივ, წითურა მკურნალობას არ საჭიროებს. ტემპერატურის მომატებისას სიცხის დამწევი საშუალება უნდა გამოვიყენოთ.


პროფილაქტიკა


არსებობს წითურას ვაქცინა. დაავადებული უნდა იყოს იზოლირებული გამონაყარის გამოჩენიდან 4 დღის განმავლობაში. წითურით დაავადებულთან ორსულის კონტაქტი დაუშვებელია.
გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
ყივანახველა ყივანახველის ჩხირით გამოწვეული მწვავე ინფექციური დაავადებაა.
წითელა მწვავე ვირუსული დაავადებაა, რომელიც ძირითადად ბავშვთა ასაკში გვხვდება.
ვირუსები მაღალი სიცხეებით გამოირჩევა. ტემპერატურა ხშირად არც ემორჩილება პრეპარატებს და მშობლები
წითელა მაღალი ინფექციურობით (გადამდებლობით) გამორჩეული ვირუსული დაავადებაა, რომელიც გამოწვეულია წითელას ვირუსით.
მკურნალი გე-ს რედაქტორი,თამარ მამაცაშვილი გვირჩევს, გავეცნოთ ამ ინფორმაციას ერთი შეხედვით უვნებელი ინფექციის შესახებ:
2017 წლის პირველი დეკემბრის მონაცემებით, საქართველოში, 0-15 წლამდე ასაკის 105 აივ ინფიცირებული ბავშვია გამოვლენილი.
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად