მეცნიერებმა და-ძმებს შორის ჩხუბის პარადოქსული მიზეზი აღმოაჩინეს - მკურნალი.გე

კვლევა გამოქვეყნდა სამეცნიერო ჟურნალში Evolution and Human Behavior (EHB).

გამოკითხვების სერიის საშუალებით ჯგუფმა დაადგინა, რომ ძალადობის სხვადასხვა ფორმა (ფიზიკური და სიტყვიერი) არ იყო დამოკიდებული და-ძმის სქესზე. ეს ნიშნავს, რომ გოგოებიც და ბიჭებიც ერთნაირად აგრესიულად იქცევიან დის ან ძმის მიმართ.

კიდევ ერთმა ექსპერიმენტმა აჩვენა, რომ კონფლიქტები და-ძმებს შორის ხშირად გრძელდება ზრდასრულ ასაკში, მიუხედავად კონტაქტის რაოდენობის შემცირებისა. ეს მიუთითებს იმაზე, რომ ადამიანები აგრძელებენ ბავშვობაში დამკვიდრებულ ქცევის ნიმუშებს.

მან ასევე დაადგინა, რომ მიუხედავად იმისა, რომ ოჯახის წევრები შეიძლება ჩხუბობდნენ ერთმანეთთან, ისინი ნაკლებად ლაპარაკობენ თავიანთ დებზე ან ძმებზე სხვა ადამიანებთან საუბრისას.

ამ ფაქტორების შესწავლის შემდეგ, მეცნიერები მივიდნენ პარადოქსულ დასკვნამდე - ჩხუბი და-ძმებს შორის ხდება იმიტომ, რომ ეს შედარებით კომფორტულია და, როგორც წესი, არ იწვევს ურთიერთობის გაფუჭებას ან ერთ-ერთი მხარის სერიოზულ ზიანს.

„და-ძმებს შორის ურთიერთობა არ წყდება მცირე კამათის შემდეგ. თუ უყვირებთ ან დაარტყამთ მეგობარს, მან შეიძლება გაწყვიტოს თქვენთან ურთიერთობა, მაგრამ და-ძმა მაინც შენი და-ძმა იქნება ხვალ, მომავალ კვირას და ერთი წლის შემდეგ“, - განმარტა კვლევის ავტორმა ამანდა კირშმა.