ბავშვის ცემამ შესაძლოა ნარკომანიისა და სუიციდისადმი მიდრეკილება გამოიწვიოს - როგორ დავსაჯოთ პატარა
მიმართ გამოყენებულმა ფიზიკურმა ძალამ შეიძლება გამოიწვიოს აგრესიის პროვოცირება, ბავშვის თავის ტვინში ცვლილებები, ნარკომანიისა და სუიციდისადმი მიდრეკილება.
კატეგორიულად დაუშვებულია ბავშვის ცემა, შეურაცხყოფა, დამცირება ან შერცხვენა. აღზრდის ყველაზე ეფექტური და უსაფრთხო ფორმაა ტაიმ-აუტები, მკაცრი შეზღუდვების დაწესება, საყვარელი სათამაშოების, ტელევიზორის, კომპიუტერის, პლანშეტის მოხმარების შეზღუდვა.
კვლევით დადგინდა კავშირი ფიზიკურ დასჯასა და ტვინში განვითარებულ ცვლილებებს შორის. კერძოდ, მცირდებოდა რუხი ნივთიერების მოცულობა და სტრესის ჰორმონის დონე იმატებდა.
სუიციდური ქცევა, ნარკოტიკების მოხმარება და შფოთვითი შეტევები შეიძლება ასევე ფიზიკური დასჯის შედეგი იყოს. ვერბალური შეურაცხყოფა თავის მხრივ, ქცევითი პრობლემების და დეპრესიის გამომწვევი შეიძლება გახდეს.
ლალი ჩხიკვაძე