როგორ აღვზარდოთ მამაკაცი
თუ შეძლებთ, გარეგანი სირთულეების მიუხედავად, არ მოაკლოთ შვილს სიყვარული, მისი თანდასწრებით გაკვრითაც კი არ დაადანაშაულოთ მისი მამა, არ წარმოაჩინოთ თავი “მსხვერპლად” ან “გმირ დედად”, ყველაფერი რიგზე იქნება. თანდათანობით შეიტანეთ დღის რეჟიმში ბავშვისთვის იოლად თავგასართმევი საოჯახო საქმეები, თავადაც დაიხმარეთ საქმიანობისას, მასთან ერთად დაგეგმეთ საყიდლები, ჰკითხეთ რჩევა, ერთად იარეთ ღონისძიებებზე. თუ ბიჭუნა იგრძნობს, რომ მისი აზრი თქვენთვის მნიშვნელოვანია, მას უსმენენ და მის რჩევებს ითვალისწინებენ, მისგან დამოუკიდებელი, თავდაჯერებული და საიმედო მამაკაცი დადგება. არ დაგავიწყდეთ მადლიერების გამოხატვა დახმარებისთვის და გულწრფელი ქება კარგი საქციელისთვის. როცა თქვენი შვილი დაინახავს, რომ გეამაყებათ, აუცილებლად მოგცემთ საბაბს, უფრო და უფრო მეტად იამაყოთ მისით.