დაუვიწყარი დაბადების დღე - მკურნალი.გე

რუბრიკები

ოჯახის მკურნალის ანონსი

მარტი 2020

კითხვა-პასუხი

დაუვიწყარი დაბადების დღე

დაუვიწყარი დაბადების დღე

ჩემი შვილის დაბადების დღე შობა-ახალი წლის უქმეებს ემთხვევა. არ ვიცი, რამდენად გამართლებულია ამ ასაკის ბავშვისთვის დაბადების დღის სადღესასწაულო ცენტრში აღნიშვნა. ხომ არ დაღლის ძლიერი ემოციები და ხალხმრავლობა? თეა, 24 წლის

რატომაც არა? კაშკაშა და მხიარული დაბადების დღე პატარას დიდხანს დაამახსოვრდება, მაგრამ თუ ბავშვი ჯერ მხოლოდ სამი წლისაა, ჩვენი აზრით, დღესასწაულის აღნიშვნა სახლში ჯობს. გაარკვიეთ, რამდენი ადამიანი მოვა მოსალოცად. თუ მომცრო ბინა გაქვთ, ბევრი ბავშვის მიპატიჟების შემთხვევაში სივიწროვე და ხმაური იქნება. ამ ღონისძიებისთვის ერთი ოთახი გამოყავით - მისი მორთვაც უფრო იოლი იქნება

და დღესასწაულის შემდეგ მოწესრიგებაც. დასალაგებლად წინასწარ დროს ნუ დაკარგავთ - პატარა სტუმრები თქვენს გარჯას ვერ დააფასებენ.

მათი მოსვლიდან 5 წუთის შემდეგ ვეღარავინ გაიხსენებს, როგორ გამოიყურებოდა საგანგებოდ მორთული ოთახი. კარადაში შეაწყვეთ ან სხვა ოთახში გაიტანეთ ძვირფასი და მყიფე ნივთები, გაათავისუფლეთ რაც შეიძლება მეტი ადგილი თამაშისა და

სირბილისთვის. აქა-იქ ფერადი ბუშტები მიამაგრეთ, ფუმფულა სათამაშოებს ბრჭყვიალა გირლანდები შემოახვიეთ. ოთახი ღამით უნდა მორთოთ, კარი გამოიხუროთ და დილით იდუმალი სახით განუცხადოთ იუბილარს, რომ გარკვეულ დრომდე იქ შესვლა არ შეიძლება. შეადგინეთ პროგრამა, შესთავაზეთ პატარა სტუმრებს მარტივ კონკურსებში მონაწილეობა და თითოეულისთვის მოამზადეთ სუვენირი, რათა იუბილართან ერთად საჩუქრები სხვებმაც მიიღონ. ხორაგის მთებს ნუ დააყენებთ, პატარებისთვის საკმარისი იქნება პაწაწინა ბუტერბროდები, ხილის სალათები, წვენები და, რაღა თქმა უნდა, ტორტი! შესაძლოა, პატარები მის მესამედსაც ვერ მოერიონ, მაგრამ რად ღირს სიამოვნება, რომელსაც ისინი განიცდიან სანთლების ჩაქრობის დროს! ნუ შეიძენთ კრემითა და ბეზეებით უხვად მორთულ მრავალიარუსიან ნაგებობას - პატარებს ჩვეულებრივი ტორტიც განსაკუთრებული მოეჩვენებათ. მთავარია, მასზე სადღესასწაულო სანთლები ენთოს.

მაშ ასე, რა პლუსები და მინუსები აქვს წვეულების შინ გამართვას?
პლუსები:
. ფინანსურად უფრო ხელმისაწვდომია.
. ბავშვს არ შეაშინებს უცხო გარემო.
. ყოველთვის შეგიძლიათ, ჩაერთოთ ზეიმის მსვლელობაში.
მინუსები:
. სადღესასწაულო კერძებისა თუ ტკბილეულის მომზადება, ოთახის მორთვა და დალაგება თავად მოგიწვეთ.
. სივიწროვე და ხმაური შეგაწუხებთ.

თუ ბავშვი უკვე სკოლაში დადის და დაბადების დღეზე მთელ კლასს ეპატიჟება, ჯობს, დაბადების დღე კაფეში ან სადღესასწაულო ცენტრში აღინიშნოს. შეარჩიეთ შენობა, ყურადღება მიაქციეთ:
. ინტერიერს და თავისუფალ სივრცეს, რათა ბავშვებს საშუალება მიეცეთ, თავისუფლად ირბინონ და ითამაშონ.
. წვეულების თარიღს და ხანგრძლივობას.
. მენიუს (ყველა გასართობ ცენტრში აქვთ სპეციალური საბავშვო მენიუ).

შენობა რამდენიმე კვირით ადრე უნდა დაჯავშნოთ. წვეულებამდე ერთი კვირით ადრე ცენტრის ხელძღვანელობას დაუკავშირდით და ყველაფერი გადაამოწმეთ.

რა პლუსები და მინუსები აქვს წვეულების გასართობ ცენტრში გამართვას?
პლუსები:
. ზეიმის ორგანიზებასა და წარმართვასთან დაკავშირებული ყველა სირთულე ცენტრის თანამშრომლებს აწევთ.
. არის ადგილი, სადაც თავისუფლად შეიძლება სირბილი, ცეკვა, ხტუნვა.
მინუსები:
. ძვირია (ყველაზე მოკრძალებული საბავშვო მენიუც კი 15-20 ლარი ჯდება). სუფრის მორთვას, დარბაზის მომზადებას, თამაშებს კიდევ ცალკე თანხა სჭირდება.
. თქვენს გარდა დარბაზში შეიძლება უცხო ადამიანებიც იყვნენ, რაც ოჯახური დღესასწაულის ატმოსფეროს არღვევს.


პირველად არენაზე
საბავშვო წვეულებაზე კლოუნის მიწვევა შესანიშნავი იდეაა, მაგრამ გაითვალისწინეთ:
. თუ ბავშვი 2-2,5 წლისაა, უმჯობესია კლოუნის მოწვევისგან თავი შეიკავოთ. პატარა შესაძლოა შეაშინოს უჩვეულო სანახაობამ. ეს ვარიანტი 5-7 წლის ბავშვებისთვის გამოდგება.
. თუ კლოუნს სააგენტოდან იწვევთ, ნუ დაიზარებთ, მიდით ოფისში და ნახეთ სხვა დღესასწაულებზე გადაღებული ფოტოები.
. მნიშვნელოვანია, მამაკაცი-კლოუნი მოვა თუ ქალი-კლოუნი. გოგონას უმჯობესია კლოუნესა დაუპატიჟოთ.
. შეკვეთისას აუცილებლად დააზუსტეთ დღესასწაულის ხანგრძლივობა.
. კარგი დღესასწაული იაფი ვერ იქნება, ამიტომ თუ მეტისმეტად მცირე ფასი დაგისახელეს, ანკესზე ნუ წამოეგებით.


ჩვენ არ გვეშინია
პატარა კლოუნის დანახვამ რომ არ შეაშინოს, წინასწარ მოამზადეთ:
. ერთად ნახეთ მულტფილმები კლოუნებზე. წაუკითხეთ წიგნი მათ შესახებ. 
. წაიყვანეთ სპექტაკლზე, სადაც კლოუნების პროგრამა იქნება.
. აჩვენეთ ბავშვს კლოუნის პარიკი და მისამაგრებელი ცხვირი სათამაშოების მაღაზიაში.

ყველა პროფესიონალ კლოუნს აქვს სპეციალური რეკვიზიტი გასართობი პროგრამისთვის: ბუშტები, პატარ-პატარა პრიზები, აკვაგრიმი, საპნის ბუშტები, ფოკუსებისათვის საჭირო ნივთები და ფეიერვერკიც კი. ეს ყოველივე წინასწარ დააზუსტეთ, რათა რაიმე გაუგებრობა არ მოხდეს და დღესასწაული მართლაც სასიამოვნო და დაუვიწყარი გამოვიდეს.

 

 

გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
თუ შეკრულობა (ყაბზობა) გაწუხებთ, რეგულარულად უნდა მიირთვათ ბროკოლი, ვაშლი და ისპანახი.
შვრია აქვეითებს სისხლში ქოლესტერინის დონეს, ანთების მაჩვენებლებს, წონას და აუმჯობესებს საჭმლის მონელებას.
კატეგორიის სხვა სტატიები
წარმოდგენილ ვიდეოში განვიხილავთ დამატებით კვების შეტანის სქემას 6-დან 12 თვემდე ასაკის ბავშვებში,
კანადელი მეცნიერების განცხადებით, რძის მოყვარული ბავშვები თანატოლებთან შედარებით ბევრად მაღლები არიან. გარდა ამისა, მათ უფრო მეტად ჯანსაღი თმა და ფრჩხილები აქვთ.
ბავშვის ორგანიზმის ნორმალური ფუნქციონირებისა და ჯანსაღად განვითარების მთავარი წინაპირობა კვების სწორად შერჩევაა. ეს პროცესი საკმაოდ კომპლექსურია და დიდ დაკვირვებას მოითხოვს, განსაკუთრებით იმ პირობებში, როდესაც ბაზარი ზედმეტად გაჯერებულია საინტერესო რეკლამებითა და მიმზიდველი შეფუთვების მქონე უამრავი პროდუქციით.
ხილის წვენი ასეთი პატარებისთვის სასარგებლო არაა. უფრო მეტიც, ამის გამო ბავშვმა შეიძლება წონაში ზედმეტად
სკოლა მთლიანად ჯანსაღი ცხოვრების წესთან უნდა ასოცირდებოდეს, მათ შორის კვების ნაწილშიც – ამის შესახებ განათლების მინისტრმა ალექსანდრე ჯეჯელავამ განაცხადა.
კერძის მომზადების ბოლო აკორდი გემრიელი სოუსია. ის განსაკუთრებით პიკანტურს ხდის კერძს. საბავშვო კულინარიაში კი სოუსი დაგეხმარებათ გაალამაზოთ და გაამრავალფეროვნოთ ბავშვის, განსაკუთრებით უჭმელი პატარის მენიუ. რა სახის სოუსების მომზადება შეგვიძლია ბავშვისთვის - ამ საკითხზე გვესაუბრება პედიატრი მარინა აფციაური.

ადამიანის ხერხემალს ყოველდღიურად დიდი დატვირთვა ადგება, შესაბამისად,
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად