ხორციც გემრიელია - მკურნალი.გე
რუბრიკები
ოჯახის მკურნალის ანონსი
დეკემბერი 2018
კითხვა-პასუხი
ხორციც გემრიელია
ხორციც გემრიელია
როგორც კი ჩვილს 7-8 თვე შეუსრულდება, პედიატრები გვირჩევენ, მის რაციონში ხორციანი კერძები შევიტანოთ. გვესაუბრება პედიატრი ინგა იოსავა.

- რატომ უნდა ჩავრთოთ ბავშვის რაციონში ხორცი?
- ხორცი ჩვენი რაციონის შეუცვლელი კომპონენტია. მზარდი ორგანიზმისთვის მისი აუცილებლობა ეჭვგარეშეა. ხორცი მდიდარია ცილით, რომელიც უჯრედებისა და ქსოვილების საშენი მასალაა და სხვა სასარგებლო ნივთიერებებსაც უხვად შეიცავს:


B ჯგუფის ვიტამინებს, ამინმჟავებს, ფოსფორს, რკინის ადვილად ასათვისებელ ფორმას. ყველა ეს ნივთიერება აუცილებელია ნერვული სისტემის ნორმალური ფუნქციობისთვის, კარგი მხედველობისთვის. სიცოცხლის პირველ თვეებში ბავშვი ყველა აუცილებელ ნივთიერებას დედის რძესთან ერთად იღებს,
მაგრამ რაც უფრო იზრდება, მის ორგანიზმს მით მეტი მინერალი და მიკროელემენტი სჭირდება, რომლებსაც დედის რძე ვეღარ აწვდის. ხორცი დამატებითი კვების უკანასკნელი ეტაპია, ამიტომ დედა თავად გადაწყვეტს ან პედიატრს მოეთათბირება, როდის ჩართოს ის ბავშვის რაციონში. წესისამებრ, ხორცი მენიუს ემატება ბოსტნეულის, ფაფების, რძის ნაწარმის შემდეგ. ისევე როგორც
ყველა ახალ პროდუქტს, ხორცსაც თანდათანობით უნდა შევაჩვიოთ პატარა. სასურველია, მისი მიცემა დავიწყოთ 8 თვიდან. თავდაპირველად, სასურველია, გავასინჯოთ ქათმის, ინდაურის ან კურდღლის ხორცი. შეიძლება ხბოსიც. ჯერ ბლენდერში დაქუცმაცებული ხორცის მცირე ულუფა მივცეთ. თუ ორგანიზმმა კარგად მიიღო, შეგვიძლია, თამამად ჩავრთოთ ის ყოველდღიურ რაციონში. თუ პატარა ხელოვნურ კვებაზეა, ხორცის მიცემა შეიძლება დავიწყოთ 7 თვიდან. ბავშვი იოლად რომ შეეგუოს, თავდაპირველად ხორცი უმჯობესია შევურიოთ ბოსტნეულის პიურეს, მერე კი ხორცის კერძი ცალკე მოვუმზადოთ.

- რამდენი ხორცი უნდა მიიღოს ბავშვმა თითო ჯერზე?
- ეს ბავშვის ასაკზეა დამოკიდებული:

  • 8 თვის ასაკში - დღეში 20-30 გრამი;
  • 9 თვის საკში - 30-40 გრამი;
  • 10 თვის ასაკში - არა უმეტეს 50 გრამისა;
  • 11 თვის ასაკში - არა უმეტეს 60 გრამისა;
  • 12 თვის ასაკში - 70 გრამი;
  • ერთი წლისთვის ბავშვის კუჭ-ნაწლავის სისტემა სტაბილიზდება და შეუძლია გადაამუშაოს უფრო მძიმე პროდუქტებიც, მათ შორის - თევზი. ხორცი და თევზი მონაცვლეობით უნდა შევთავაზოთ;
  • 2 წლამდე ნაკლებსასურველია ხორცის ნახარშის, ბულიონის მიცემა, ხოლო სოსისი და ძეხვი უმჯობესია მოგვიანებით ჩავრთოთ ბავშვის რაციონში.

- თუ დედა ვეგეტარიანელია და სურს, ბავშვიც ასევე აღზარდოს, რა გაუწევს ბავშვის ორგანიზმს ხორცის მაგივრობას?
- როცა დადგება დამატებითი საკვების მიცემის დრო, ვეგეტარიანელმა დედამ აუცილებლად უნდა მიმართოს პედიატრს, რათა მან სწორად შეურჩიოს დღიური რაციონი, რომელიც გამდიდრებული იქნება მზარდი ორგანიზმისთვის საჭირო ნივთიერებებით, ვიტამინებითა და მინერალებით. გირჩევთ, ბავშვს მისცეთ მხოლოდ ახალმომზადებული ხორცის კერძები და არა მაცივარში შენახული. გთავაზობთ რამდენიმე კერძის რეცეპტს 1 წლამდე ასაკის ბავშვებისთვის.

ინდაურის პიურე
საჭიროა: 100-200 გ ინდაურის თეთრი ხორცი; 1 სტაფილო; 1 კარტოფილი; 100 გ ბროკოლი.
ინდაურის ხორცი მოხარშეთ. ხარშვისას წყალი სამჯერ გამოუცვალეთ. ხორცი გააგრილეთ და მოხარშულ ბოსტნეულთან ერთად დააქუცმაცეთ ბლენდერში. სურვილისამებრ, დაამატეთ ცოტაოდენი მარილი. ბოსტნეული შეგიძლიათ მოხარშოთ კამასა და ოხრახუშთან ერთად.

ქათმის ფილე ორთქლზე
საჭიროა: 100 გ ქათმის თეთრი ხორცი; 1 კვერცხი; 15 მლ რძე; 10 გ ფქვილი ან თეთრი პური; ნაღების კარაქი.
კარგად მოხარშული ქათმის ხორცი დააბლენდერეთ რძეში დამბალ პურსა და კვერცხის გულთან ერთად. ცალკე ათქვიფეთ კვერცხის ცილა. შეურიეთ ხორციან მასას. გადაიღეთ კარაქწასმულ ფორმაში და აცხვეთ ღუმელში 30 წუთის განმავლობაში, დაბალ ტემპერატურაზე. ერთი წლიდან უკვე შეიძლება, ბავშვს ორთქლზე მოუმზადოთ ხორცის ან თევზის გუფთა, კატლეტი, ოღონდ ხორცსა და თევზს ერთდროულად ნუ მისცემთ.



თარიღი : 06-12-2014
თათ
დაბლენდერებული საჭმელი კარგადვს გემოს ჯობია წვრილად დაჭრა ან გაატარო ხორცი დაისე გააზავოს წვნიანში ჩემმა ორივე შვილმა მშვენივრად მიიღო და მოინელა ასე დამზადებული საკვები
თარიღი : 17-11-2014
ina
საერთოდ რომ ვერ ვაჩმევ ბავშვს ვერც ხორცს და ვერც თევზს ვერანარი სახით მაშინ როგორ მოვიქცე?? :((( იქნებ მირჩიოთ
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
რეკომენდირებული პროდუქტები
საშარდე სისტემის ჯანმრთელობისთვის-60 აბი
ფასი: 42.99
ხელს უწყობს ძლიერი ორგანიზმის ჩამოყალიბებას.30პასტილი
ფასი: 29.99
სიცოცხლისთვის აუცილებელი ვიტამინები
ფასი: 27.99
ანთების დროს ტკივილის შესამცირებლად-30აბი
ფასი: 43.99
ამ კატეგორიის სხვა სტატიები
რა პრინციპებით უნდა ვიხელმძღვანელოთ რაციონის შედგენისას, როცა პატარას გულის კუნთის დაზიანება აქვს?-
თაფლი სასარგებლო პროდუქტია, რომელსაც ზრდასრული ადამიანები ტკბილეულის მაგივრად იღებენ და
პარატროფია - კვების ქრონიკული დარღვევაა, რომლის შედეგიც ბავშვის ზედმეტი წონაა. ეს ტერმინი წლამდე ბავშვებთან
იცით, რომ 100 გრამი იოგურტი 10 გრამ შაქარს შეიცავს და თუ მას ბავშვი რეგულარულად მიირთმევს, წონის
ბავშვის იმუნიტეტის გასაძლიერებლად და დედის გინეკოლოგიური, ენდოკრინოლოგიური დაავადებების, სარძევე
ატამი, ისევე როგორც ზოგიერთი ტროპიკული ხილი, ვიტამინების სიუხვით ვერ დაიკვეხნის. 100 გრამი რბილობი
24 ივლისი 2018
დიდი ხანია ცნობილია, რომ ფეხშიშველი სიარული ბრტყელტერფიანობის, ტერფის კუნთების ატროფიის და
13 ივნისი 2017
შფოთვის შეტევა, უეცარი გამოვლინების გამო, „მკურნალობას“ ძნელად ექვემდებარება. ამ დროს ადამიანი კარგავს საკუთარ სხეულზე
მარიხუანას მომხმარებლები ინსულტისა და გულის უკმარისობის განვითარების მომატებული რისკის ქვეშ
აბუსალათინის ზეთი საფაღარათო საშუალებებს მიეკუთვნება. საფაღარათო ეფექტი, როგორც წესი, ვითარდება
თუ ერთ ჩაის კოვზ თაფლს ერთ ჭიქა ოთახის ტემპერატურის ნადგომ წყალში გახსნით და უზმოზე რეგულარულად დალევთ,