რომელი ხილი არ უნდა მიირთვას მეძუძურმა დედამ
(ლიმონი, ფორთოხალი, გრეიფრუტი), ატამი, საზამთრო, ნესვი, აგრეთვე ისეთი ხილი, რომელიც იწვევს შებერილობას (მსხალი, ბალი, ხურმა). საწყის ეტაპზე ჯობს დაჯერდეთ ვაშლს. დანარჩენი ხილი კი შეიტანეთ ეტაპობრივად, ბავშვის ასაკის მატების კვალდაკვალ. პროდუქტების შეტანა რაციონში უნდა მოხდეს ფრთხილად და დააკვირდეთ ბავშვის რეაქციას.
ბანანი შეიცავს დიდი რაოდენობით საკვებ ნივთიერებებს და ვიტამინებს, ბევრ კალიუმს, მაგრამ იგი მძიმე მისაღებია ჩვილისთვის. ხშირად დედის მიერ ბანანის მიღების შემდეგ ბავშვს უვითარდება შებერილობა, ჭვლები. ამიტომ პირველი-ორი თვე თავი შეიკავეთ ბანანის მიღებისგან. შემდეგ ბავშის ორგანიზმი ძლიერდება და ეს ხილიც შეგიძლიათ ჩართოთ თქვენს კვების რაციონში.
იგივე ეხება ატამსაც, დასაწყისში უნდა მიიღოთ მხოლოდ მისი პატარა ნაჭერი, შემდეგ დღეს ნახევარი და დააკვირდით ბავშვის რეაქციას, თუ არ შეექმნა პატარას პრობლემები კუჭ-ნაწლავის ტრაქტის მხრივ ან კანზე არ გაჩნდა გამონაყარი, მაშინ დღის განმავლობაში ეს ხილი შეგიძლიათ მიიღოთ 2-3ცალი. თუმცა უნდა გახსოვდეთ, ყოველი ახალი ხილისა და საკვების დამატების დროს სხვა ახალ პროდუქტს ნუ მიიღებთ 1-3 დღე.
ვაშლი კი დასაწყისში ღუმელში გამომხცხვარი სახით მიიღეთ, შემდეგ კი ეტაპობრივად ჩართეთ სხვა ტკბილი (და არა მჟავე) ხილი.