საშიშია თუ არა ჰემანგიომა - მკურნალი.გე

რუბრიკები

ოჯახის მკურნალის ანონსი

აპრილი 2019

კითხვა-პასუხი

საშიშია თუ არა ჰემანგიომა

საშიშია თუ არა ჰემანგიომა
მეცნიერების დიდი ნაწილი მიიჩნევს, რომ ჰემანგიომა (ზოგადად ჰემანგიომატოზი) სისხლძარღვთა თანდაყოლილი დეფექტის (მანკის) საფუძველზე აღმოცენდება . კანის ჰემანგიომა მისი დერმოიდული შრის სისხლძარღვთა განვითარების მანკია. მისი ტრავმირება სახიფათოა ადამიანისათვის სისხლდენის განვითარების გამო. ჰემანგიომა ბერძნული წარმოშობის სიტყვაა ("ჰემა" _ სისხლი, "ანგეონ" _ ძარღვი) და სისხლძარღვის კედლიდან განვითარებულ კეთილთვისებიან სიმსივნეს აღნიშნავს. გავრცელების მიხედვით ჰემანგიომები კეთილთვისებიანი სიმსივნეების 25 %-ს, ხოლო რბილი ქსოვილების სიმსივნეთა 45 %-ს შეადგენს.

კანის კაპილარული ჰემანგიომა

კანის კაპილარული ჰემანგიომა (ლაქოვანი, მარტივი, ბრტყელი) ხასიათდება ბრტყელი ან კიდევ კანის ზედაპირიდან რამდენადმე წამოწეული ვარდისფერი, წითელი ან
მოლურჯო-მეწამული ფერის ლაქებით, რომლებიც ზეწოლისას ფერმკრთალდება და ნაწილობრივ ფერსაც იცვლის. დიასკოპიისას ანუ სპეციალური მინის ფირფიტით კანის უბნების დათვალიერებისას აღნიშნული ლაქები ზოგჯერ ქრება კიდეც. კაპილარული ჰემანგიომის ერთ-ერთ ნაირსახეობას წარმოადგენს ტელეანგიოექტაზიური (ვარსკვლავისებრი) ჰემანგიომა, რომელიც წარმოდგენილია თავისებური ლაქებით. ეს უკანასკნელი შედგება ცენტრალურად განთავსებული წერტილისაგან, რომლისგანაც რადიალურად მიემართება წვრილი,
გაფართოებული სისხლძარღვები.
ჰემანგიომას, რომელშიც ჭარბობს შემაერთებელ-ქსოვილოვანი კომპონენტები, განსხვავებულია კონსისტენციითა და სიმკვრივით, ეწოდება ანგიოფიბრომა. კაპილარული ჰემანგიომის ერთ-ერთ ნაირსახეობას წარმოადგენს აგრეთვე ანგიოკერატომა. კაპილარული ჰემანგიომა ხასიათდება ძირითადად ინფილტრაციული ზრდით.

შედარებით იშვიათია რაცემიული ჰემანგიომა, რომელიც შედგება სქელკედლიანი არტერიებისა და ვენური ძარღვების ტოტებისაგან. სიმსივნე ასეთ დროს თანდაყოლილ სიმახინჯეს გვაგონებს, ლოკალიზდება ძირითადად თავისა და კისრის არეში. კუნთშიდა ჰემანგიომა (კაპილარული, კავერნოზული ან არტერიოვენოზული) გამოირჩევა ინფილტრაციული ზრდით, აზიანებს არა მხოლოდ კუნთებსა და მყესებს, არამედ გარემომცველ ცხიმოვან ქსოვილსა და კანს. ჰისტოლოგიურად ჰემანგიომაში ზოგჯერ სისხლძარღვოვან წარმონაქმნებთან ერთად გვხვდება ცხიმოვანი, ფიბროზული და გლუვკუნთოვანი ელემენტები. არსებობს სისხლძარღვთა სისტემური ხასიათის სიმსივნური ზრდა _ ჰემანგიომატოზი, რომელიც უხშირესად აზიანებს მთელს კიდურს ან მის პერიფერიულ ნაწილს.

ჰემანგიომების მკურნალობა

ჰემანგიომების მკურნალობა სასურველია მათი აღმოჩენისა და დიაგნოზის დაზუსტებისთანავე დაიწყოს.
დღეისათვის ჰემანგიომების სამკურნალოდ შემდეგი მეთოდები გამოიყენება:
  • ქირურგიული,
  • კრიოთერაპია,
  • სკლეროთერაპია,
  • ელექტროკოაგულაცია,
  • სხივური თერაპია.
აღნიშნულ მეთოდებს შორის წამყვანი ქირურგიული მკურნალობაა. სწორად ჩატარებული ოპერაცია (ანუ სიმსივნის სრულფასოვნად ამოკვეთა) სრულ განკურნებას განაპირობებს. რეციდივი (ანუ დაავადების კვლავ შემობრუნება, თითქოს გამქრალი მოვლენის გამეორება) სიმსივნის ელემენტების არასრულ ამოკვეთაზე მიუთითებს და სრულებით არ ნიშნავს მის ავთვისებიან მიმდინარეობას.

ავტორი თინათინ გოცაძე


იხილეთ აგრეთვე ყველაფერი ჰემანგიომებზე

გააკეთეთ კომენტარი
კომენტარი არ გაკეთებულა
რეკომენდებული პროდუქტები
უსაფრთხო პრენატალური ფორმულა -90აბი
ფასი: 74.9
გონებრივი აქტიურობის შესარჩუნებლად-30აბი
ფასი: 34.9
ჯანსაღი თმის შესანარჩუნებლად
ფასი: 75
რეპროდუქციული ასაკის ქალებისათვის - 30აბი
ფასი: 42.9
დიეტოლოგია
მაღალცხიმიანი და დაბალნახშირწყლოვანი დიეტა - LCHF: გახდომა სიამოვნებით - ეს დიეტა წვავს ცხიმებს.
ადამიანების დიდი ნაწილი ყოველდღიურად დიდი რაოდენობით ტკბილ, გაზიან, გამაგრილებელ სასმელს იღებს.
სპეციალისტებმა შეისწავლეს ეფექტი, რომელსაც ორგანიზმზე „დროში შეზღუდული“ კვება ახდენს, რაც იმას
კატეგორიის სხვა სტატიები
ონკოლოგებისთვის კარგად არის ცნობილი, რომ იმუნოთერაპიაზე შვეიცარიაში დიდ იმედებს ამყარებენ. პროფესორი
ჯანდაცვის მსოფლიო ორგანიზაციის მონაცემებით, შარშან მთელ მსოფლიოში საშვილოსნოს ყელის კიბოს 570 ათასი შემთხვევა
ფიტოქიმიური ნივთიერებები კიბოს საპროფილაქტიკოდ და ონკოლოგიურ დაავადებათა სამკურნალოდ მეტად პოპულარულია,
ფინელმა მეცნიერებმა მკერდის კიბოს სამკურნალო ახალი კომბინირებული მეთოდი შეიმუშავეს. ეს მეთოდი მიმართულია
მეცნიერებმა დაადგინეს, რომ ხახვისებრთა ოჯახის ბოსტნეულის აქტიურმა მოხმარებამ შეიძლება კოლორექტალური კიბოს
პომიდორი და მისი სოუსი აქვეითებს ღვიძლის ცხიმოვანი დაავადების, ანთებისა და სიმსივნის განვითარების რისკს.
"ჩვენს სანათესაოში თითქმის ყველას ჰქონდა კენჭები, ზოგს - თირკმელში, ზოგს - ნაღვლის ბუშტში.
პაპილომა კანის უჯრედების კეთილთვისებიანი სიმსივნური წანაზარდია.
ანგინა ცხელებით, ინტოქსიკაციითა და ნუშურა ჯირკვლების გამოხატული ანთებით მიმდინარე მწვავე ინფექციური დაავადებაა.
ალბათ ბევრს აინტერესებს, რატომ იღებენ სისხლს ანალიზისთვის მაინცდამაინც უსახელო (მეოთხე) თითიდან?
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად