პირველ რიგში, ეს არის ნაწლავების ნორმალური ფუნქციონირების დარღვევა: ტუალეტში წასვლის უფრო ხშირი მოთხოვნილება, ფაღარათი, რომელიც აქამდე არ იყო ან ყაბზობა, რომელიც ადამიანს ადრე არ განუცდია. ასევე არ უნდა უგულებელყოთ ტკივილი და დისკომფორტი მუცლის არეში, სპაზმი და შებერილობა.

საყურადღებოა არასრულად დაცლილი ნაწლავის შეგრძნება და განავალში სისხლი.

ეს სულაც არ მიუთითებს კიბოზე, მაგრამ ნებისმიერ შემთხვევაში, ასეთი სიმპტომები არ უნდა დარჩეს ექიმების ყურადღების გარეშე.

მოგვიანებით ეტაპებზე სხვა სიმპტომები ვლინდება: წონის უეცარი კლება, მადის დაკარგვა, თავბრუსხვევა, სისუსტე და კონცენტრაციის გაძნელება.

დაავადების ნიშანი შეიძლება იყოს ანემიაც, ასეთი დიაგნოზის შემთხვევაშიც საჭიროა გამოკვლევა.

კოლორექტალური კიბო იწყება პოლიპებისა და ადენომების - კეთილთვისებიანი წარმონაქმნების გამოჩენით მსხვილ ნაწლავში. მათი აღმოჩენა ხდება კოლონოსკოპიის დროს, ამიტომ რეკომენდებულია ამ გამოკვლევის ჩატარება 50 წელზე უფროსი ასაკის ადამიანებისთვის და კუჭ-ნაწლავის დაავადებებით დაავადებულთათვის.

უაღრესად მნიშვნელოვანია, რომ დროულად მივმათოთ ექიმს - ეს არის ყველაზე სავარაუდო გზა კოლორექტალური კიბოსგან თავის დასაცავად. აუცილებელია საგანგაშო სიმპტომების გამოვლენის შემთხვევაში დაუყოვნებლივ მიმართოს სპეციალისტს.