რომელი საკვების მიღებაა რეკომენდებული ლიმფომის მკურნალობის დროს და რა როლი აქვს D ვიტამინს? - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რომელი საკვების მიღებაა რეკომენდებული ლიმფომის მკურნალობის დროს და რა როლი აქვს D ვიტამინს?

კვერცხი და თხილი, შეუძლია გაზარდოს მკურნალობის ეფექტურობა. ჯანსაღი დიეტა დაგეხმარებათ უკეთესად იგრძნოთ თავი და შეიძლება იყოს კიბოს პრევენციისა და მკურნალობის განუყოფელი ნაწილი. ეს მოიცავს ლიმფომასაც, სიმსივნის ტიპს, რომელიც წარმოიქმნება ლიმფურ სისტემაში და გავლენას ახდენს ლიმფოციტებზე(იმუნური სისტემის უჯრედები).

ლიმფომის ორი ჯგუფი არსებობს:

  • ჰოჯკინის ლიმფომა - ეს ტიპი კლასიფიცირდება პათოლოგიური უჯრედების არსებობით, რომელსაც ეწოდება ბერიოზოვსკი-სტენბერგ-რიდის უჯრედები;
  • არაჰოჯკინის ლიმფომა - ამ დროს რიდ-სტერბერგის უჯრედები არ არის გამოვლენილი. არაჰოჯკინის ლიმფომები იყოფა T და B ლიმფოციტურ სიმსივნეებად;

როდესაც გადიხართ ლიმფომის მკურნალობას ან ცდილობთ შეამციროთ რისკი, სწორი საკვების მიღება მთავარია. მხოლოდ დიეტა ვერ განკურნავს ლიმფომას, მაგრამ მაინც აუცილებელია. იმას, თუ რას მიირთმევთ მკურნალობის დროს, შეიძლება დადებითად იმოქმედოს მდგომარეობაზე.

ლიმფომის მკურნალობა მოიცავს ქიმიოთერაპიის მედიკამენტების, მონოკლონური ანტისხეულების, სტეროიდების და ზოგჯერ სხივური თერაპიის კომბინაციას. ამ მკურნალობამ შეიძლება გამოიწვიოს გვერდითი მოვლენები, როგორიცაა მადის დაქვეითება, გულისრევა, გემოვნების ცვლილებები და პირის ღრუს წყლულები. სწორედ აქ ჩნდება სწორი დიეტის როლი.

ლიმფომის მკურნალობამ შეიძლება შეამციროს ენერგიის დონე. არასწორმა კვებამ, შეიძლება გამოიწვიოს კუნთების სისუსტე და შეამციროს სიცოცხლის ხანგრძლივობა. საკვების სწორი კომბინაცია დაგეხმარებათ შეინარჩუნოთ ჯანსაღი წონა, ენერგია და თავიდან აიცილოთ კუნთების მასის დაკარგვა.

რეკომედებული საკვები

იდეალური ლიმფომის დიეტა განსხვავებულია თითოეული ადამიანისთვის, რადგან ეს დამოკიდებულია გვერდით ეფექტებზე, რომლებსაც განიცდით. თუ ცდილობთ თავიდან აიცილოთ წონის კლება მკურნალობის დროს, ყურადღება გაამახვილეთ კალორიულ საკვებზე, როგორიცაა:

  • კვერცხი;
  • თხილეული, მარცველული;
  • რძის პროდუქტები, როგორიცაა ბერძნული იოგურტი, ხაჭო და რძე;
  • მთლიანი მარცვლეული(შვრია, ყავისფერი ბრინჯი)

მიუხედავად იმისა, რომ ხილი და ბოსტნეული არ არის მაღალკალორიული, ისინი უზრუნველყოფენ მნიშვნელოვან საკვებ სარგებელს. მიირთვით ბევრი ხილი და ბოსტნეული. ისინი უზრინველყოფენ ორგანიზმს ვიტამინებით, მინერალებით და ბოჭკოებით, რომლებიც დაგეხმარებათ ენერგიის დონის ამაღლებაში.მიმართეთ დიეტოლოგს, რათა დაგეგმოთ ჯანსაღი დიეტა.

შეეცადეთ მიირთვათ მცირე ულუფებით, ხშირად, მაშინაც კი, თუ შიმშილის გრძნობა არ გაქვთ.

დიდი მნიშვნელობა აქვს ჰიდრატაციას. წყლის ან უშაქრო სასმელის მცირე მიღებაც კი დაგეხმარებათ თავიდან აიცილოთ საჭმლის მომნელებელი სისტემის პრობლემები.

გამოკვლევებმა აღმოაჩინა კავშირი გარკვეული საკვებსა და ლიმფომის გაზრდილ რისკს შორის.

შეზღუდეთ:

  • ცხოველური ცხიმები, როგორიცაა ცხიმიანი ხორცი, დამუშავებული ხორცი, კარაქი;
  • შაქარი, მათ შორის დამატებული შაქარი დესერტებში, ტკბილ სასმელებსა და დამუშავებულ საკვებში;
  • თეთრი, რაფინირებული მარცვლეული(თეთრი პური, მაკარონი);
  • მოერიდეთ ან შეამციროთ ალკოჰოლი, დიეტური სოდა

დიეტა და ლიმფომა

მცენარეებზე დაფუძნებულ ხმელთაშუა ზღვის დიეტას აქვს ანთების საწინააღმდეგო ეფექტი, რომელიც დაგეხმარებათ თავიდან აიცილოთ არაჰოჯკინის ლიმფომა. მცენარეული ხმელთაშუა ზღვის დიეტა მოიცავს:

  • ხილი და ბოსტნეული, რომელიც თქვენი დიეტის დიდ ნაწილს უნდა შეადგენდეს;
  • პარკოსნები;
  • თხილეული და მარცვლეული;
  • ზეითუნის ზეთი;
  • თევზი, განსაკუთრებით ომეგა -3 ცხიმოვანი მჟავების მაღალი შემცველობით(ორაგული);
  • კვერცხი (დღეში ერთი კვერცხის გული, მაგრამ კვერცხის ცილაზე შეზღუდვა არ არის)

დიეტა, რომელსაც უნდა მოერიდოთ:

კეტოგენური დიეტა, რომელიც ფოკუსირებულია დაბალი ნახშირწყლების შემცველ, ცხიმიან და ცილოვან საკვებზე, უნდა შეიზღუდოს. ეს დიეტა არ არის სასარგებლო ლიმფომისთვის, ვინაიდან კეტო დიეტა ჩვეულებრივ შეიცავს ცხოველურ ცხიმებს. ამ დიეტამ ასევე შეიძლება გამოიწვიოს წონის არასასურველი კლება, თირკმელების პრობლემები ან ჯანმრთელობის სხვა პრობლემები იმ ადამიანებისთვის, რომლებიც გადიან მკურნალობას.

საკვები დანამატები და ლიმფომა

საკვები დანამატები, როგორიცაა მულტივიტამინები, შეიძლება იყოს მარტივი გზა ჯანმრთელობის გასაუმჯობესებლად. მაგრამ, არ არსებობს არანაირი მტკიცებულება, რომ ისინი ხელს უწყობენ ლიმფომის მკურნალობას ან თავიდან აცილებას. გარდა ამისა, დანამატებმა შეიძლება გამოიწვიოს გვერდითი მოვლენები და შეიძლება ხელი შეუშალოს მკურნალობას. თუმცა, D ვიტამინი გამონაკლისია

D ვიტამინის დეფიციტის შემთხვევაში, უმჯობესია D ვიტამინის დანამატის მიღება. D ვიტამინის საკმარისი დონე გადამწყვეტია იმუნური სისტემის სწორი ფუნქციონირებისთვის და დაგეხმარებათ მკურნალობის დროს უკეთ იგრძნოთ თავი. D ვიტამინი შეიძლება დაეხმაროს არაჰოჯკინის ლიმფომის თავიდან აცილებას, მაგრამ აუცილებელია ექიმთან კონსულტაცია იმის შესახებ, უნდა მიიღოთ თუ არა დანამატი.