კიბოთი დაავადებულებისთვის ახალი მკურნალობის მეთოდები იქმნება
კორონავირუსთან საბრძოლველად, ადამინები ავადდებიან კიბოთი და მათ ესაჭიროებათ შესაბამისი მკურნალობა. მთელ მსოფლიოში აღინიშნება ონკოლოგიური დაავადებების მატების ტენდენცია.
მკურნალობის ახალი ეფექტური მეთოდების შემუშავება მეცნიერებისათვის აქტუალურ ამოცანად რჩება. ყოველწლიურად ჩატარებული კვლევები და აღმოჩენები კიდევ უფრო მეტად ხვეწავს კიბოსთან ბრძოლის მეთოდებს.
დღეისათვის დიდ იმედებს ამყარებენ ორ შედარებით ახალ და საკმაოდ პერსპექტიული მიმართულებაზე, რომელიც წარმატებით გამოიყენება ონკოლოგიის მკურნალობაში: იმუნოთერაპია და რადიოფარმთერაპია (ტარგეტული თერაპია).
ნებისმიერი სიმსივნის მკურნალობის პრობლემა იმაშია, რომ სიმსივნის უჯრედებს შეუძლიათ ადამიანის ჯანმრთელი უჯრედების მიმიკრირება, რის შედეგადაც თავიდან იცილებენ იმუნური სისტემის შეტევას.
იმუნოთერაპიის არსი იმაში მდგომარეობს, რომ პრეპარატების საშუალებით ადამიანის იმუნური სისტემის უჯრედები "სწავლობენ" კიბოს უჯრედების "ამოცნობას" და უტევენ მათ.
ონკოლოგიის მკურნალობისას დადებითი შედეგები აჩვენა რადიოფარმთერაპიამ. ის გამოიყენება ონკოლოგიური დაავადებების როგორც დიაგნოსტიკის, ისე მკურნალობისათვის.
რადიოფარმპრეპარატებს აქვთ სიმსივნურ უჯრედებში დაგროვების უნარი, რის გამოც შესაძლებელი ხდება სიმსივნის აღმოჩენა რენტგენის სურათზე და მისი მოშორება მაქსიმალური სიზუსტით.
ორივე მეთოდის პლიუსი კიბოს უჯრედებზე დამიზნებითი მოქმედებაა, ჯანმრთელი ორგანოებისა და ქსოვილების დაზიანების გარეშე.
ეს განსაკუთრებით მნიშვნელოვანია, რადგანაც მკურნალობის სხვა მიდგომებს აღენიშნება ბევრი გვერდითი ეფექტი და მნიშვნელოვნად აქვეითებს პაციენტის ცხოვრების ხარისხსა და დონეს.