ბრიტანელმა ექიმებმა პროსტატის კიბოს თერაპია ნაკლებად ტრავმული გახადეს
გელის მარტივი ინექციის წყალობით, შეიძლება მრავალი გვერდითი ეფექტებისაგან იქნან დაცულნი. ცნობილია, რომ თერაპიისას ზემოქმედებას ექვემდებარება არა მარტო პროსტატის კიბოს უჯრედები, არამედ ირგვლივ არსებული ქსოვილების ნერვები და კუნთები. ახალი SpaceOAR მეთოდი აღნიშნულ პრობლემას აგვარებს.
პროსტატის უკანა მიდამოში შეჰყავთ გელი, რომელიც სწორი ნაწლავის გაწევის გზით, ჯანმრთელი ქსოვილების იზოლაციას ახდენს სხივებისაგან. ეს კი ტკივილის, სისხლდენის და ნაწლავის მუშაობის ანომალიის 80%-ით შემცირების საშუალებას იძლევა. ასევე აღინიშნა შარდის ბუშტის ფუნქციონირებისა და ერექციული ფუნქციის გაუმჯობესება.
გელი კოსმეტიკურ ფილერებში გამოყენებული საშუალებების მსგავსია. ის უსაფრთხოა და თანდათანობით იშლება სამი თვის განმავლობაში. SpaceOAR პროცედურა ტარდება სხივური თერაპიის დაწყებამდე ერთი კვირით ადრე. გელი შეჰყავთ ნემსით, ულტრაბგერითი სკანერის კონტროლით. საჭირო ადგილზე მოხვედრისას ის ქმნის მყარ ბალიშს. რადგანაც პროცედურა ადგილობრივი ანესთეზიით ტარდება, პაციენტს სახლში წასვლა იმავე დღეს შეუძლია.