ომი, რომლის ბრძოლებსაც ვიგებთ - თებერვალში მსოფლიო კიბოსთან ბრძოლის დღეს აღნიშნავს! - მკურნალი.გე

რუბრიკები

ოჯახის მკურნალის ანონსი

ივლისი 2020

ომი, რომლის ბრძოლებსაც ვიგებთ - თებერვალში მსოფლიო კიბოსთან ბრძოლის დღეს აღნიშნავს!

დღეს ონკოლოგიური დაავადებების დამარცხება რეალობაა. დიაგნოსტიკა ადრეულ სტადიაზე, პირველი უჩვეულო სიმპტომების გამოვლენისთანავე და სწორად შერჩეული მკურნალობა გამარჯვების საწინდარია.

ადამიანები, რომლებსაც ყოველდღიურად ვხედავთ ტელეეკრანზე, სოციალურ ქსელებში, ჩვენს ყოველდღიურობაში, სოციალური კამპანიის ირგვლივ გაერთიანდნენ - "გაესინჯე დროულად, სიცოცხლე ჩვენი უფლებაა". კამპანია შეგვახსენებს, რომ პრევენცია და დროული დიაგნოსტიკა კიბოს ამარცხებს.
"მთელ მსოფლიოში ონკოლოგიური დაავადებები სიკვდილიანობის ყველაზე ხშირი მიზეზია, გულ-სისხლძარღვთა პათოლოგიების შემდეგ. ხშირად ვამბობთ, რომ კიბო განაჩენი არ არის, კიბო დიაგნოზია და ეს, რა თქმა უნდა, სიმართლეა - განკურნება და სრულფასოვანი ცხოვრება შესაძლებელია მაშინ, როდესაც ავთვისებიანი
დაავადება ადრეულ სტადიაზეა აღმოჩენილი. მაგალითად, ძუძუს კიბოს ადრეულ სტადიაზე გამოვლენის შემთხვევაში, 5-წლიანი გადარჩენის მაჩვენებელი 90%-ზე მეტია, მაგრამ სტადიის მატებასთან ერთად, სამწუხაროდ, ეს სტატისტიკა იკლებს.

თუმცა, ჩვენ არასდროს ვყრით ფარ-ხმალს. იმ პაციენტებისთვის სრულფასოვანი ცხოვრების საშუალების მიცემა და სიცოცხლის გახანგრძლივება, ვისაც დიაგნოზი თუნდაც გვიან სტადიაზე დაუდგინდათ, ჩვენი
უპირველესი ამოცანა და მიზანია. ასე რომ, პირველ რიგში, დროული დიაგნოსტიკა და შემდგომ სათანადო, სწორი მკურნალობა კიბოს წინააღმდეგ ბრძოლის ყველაზე სწორი და ქმედითი იარაღია", - ამბობს თოდუას კლინიკის გენერალური მენეჯერი გიორგი დიასამიძე.
ავთვისებიანი სიმსივნეების დაგვიანებული გამოვლენის ერთ-ერთი ფაქტორი სკრინინგში ჩართულობის პასიურობაა, რა შეიძლება იყოს ამის მიზეზები?
უდავოდ არსებობს დიაგნოზის მოსმენის შიში, რთულია ფიქრი შესაძლო სცენარებზე და შეძლებს თუ არა პაციენტი, გაუმკლავდეს დაავადებას მორალურად თუ ფინანსურად. ხშირად ადამიანს უჭირს რეალობისთვის თვალის გასწორება. ამას, პირველ რიგში, განაპირობებს, ინფორმაციის სიმწირე იმის შესახებ, რომ ადრეულ სტადიაზე გამოვლენილი პათოლოგიური პროცესების უმრავლესობა არის შექცევადი, რომ დაავადებები განკურნებადია და რეალობა სულაც არ არის ისეთი მძიმე, როგორიც ერთი შეხედვით ჩანს.

ჩვენს კლინიკაში მიღებული პრაქტიკაა, ავთვისებიანი დიაგნოზის დასმის შემდეგ პაციენტთან მუშაობდეს სხვადასხვა სპეციალისტი: ექიმების მულტიდისციპლინური გუნდი, ექთნები, ფსიქოლოგი. არსებობს მსგავსი დიაგნოზის მქონე პაციენტების მხარდამჭერთა ჯგუფები.

ფინანსური პრობლემები არ უნდა იყოს ბარიერი ონკოლოგიური პაციენტისთვის, რადგან მათი მკურნალობის ყველა ეტაპი - იქნება ეს მედიკამენტოზური მკურნალობა, სხივური თერაპია თუ ოპერაციული ჩარევა, საყოველთაო ჯანდაცვის პროგრამის ფარგლებში ფინანსდება.

ცნობიერების ამაღლების ფარგლებში რა მნიშვნელობა ენიჭება მსგავს სოციალურ კამპანიებს?

ჩვენ ყველა საკომუნიკაციო არხით ვცდილობთ, ხალხს ხმა მივაწვდინოთ - სოციალური თუ ბეჭდური მედია, ტელევიზია, რადიო. უნდა ავამაღლოთ ცნობიერება ადრეული დიაგნოსტიკის შესაძლებლობების შესახებ, ავუხსნათ მთელი სიზუსტით, რა არის სკრინინგის მიზანი, რომ ჯანმრთელ, სრულიად უსიმპტომო ადამიანსაც შეიძლება აღმოაჩნდეს დაავადება, რომელიც შემდგომში ონკოლოგიურ პათოლოგიად გარდაიქმნება.

2015 წელს საქართველოში სიმსივნეებს შორის, მეოთხე სტადიაზე აღმოჩენილი სიმსივნეების რაოდენობა 28% იყო, 2018 წელს კი ეს რიცხვი 22%-მდე შემცირდა. ამ მაჩვენებლის კლება გახლავთ სახელმწიფოსა და სამედიცინო დაწესებულებების მიერ მოსახლეობისთვის ცნობიერების ამაღლების მიზნით ერთობლივი მუშაობის, სხვადასხვა სკრინინგ პროგრამების შეთავაზების შედეგი.

დადებითი დინამიკა გვაძლევს მოტივაციას, რომ ხშირად შევთავაზოთ მათ სხვადასხვა კამპანიები, ღონისძიებები: მათ შორის გახლავთ ჩვენს კლინიკაში 2019 წლის ოქტომბერში ძუძუს კიბოს შესახებ ცნობიერების ამაღლების მიზნით ჩატარებული აქცია, სადაც ქალბატონებს შესაძლებლობა ჰქონდათ, ესარგებლათ მამოლოგებთან უფასო კონსულტაციით, საჭიროების შემთხვევაში კი - უფასო მამოგრაფიით.

ნოემბერი ფილტვის კიბოს ცნობიერების ამაღლების თვეა, კამპანიის ფარგლებში რისკ-ჯგუფის პაციენტებს კომპიუტერული ტომოგრაფია განახევრებულ ფასად ჩაუტარდათ.

მიმდინარე თვეს კი ონკოლოგიური დაავადებების მქონე პაციენტებს შესაძლებლობა ექნებათ, უფასო კონსულტაციები მიიღონ მულტიდისციპლინური მიდგომით, მათ შორის, მსოფლიოში ცნობილ რადიაციულ ონკოლოგ ბრანისლავ ერემიჩთან, ექიმებთან: თამარ ესაკიასთან და ანა მაყაშვილთან.

საზოგადოებაში აქტიური ინტერესია სრულყოფილ გამოკვლევებზე. თუ ადამიანებს, რომელთაც არ აღენიშნებათ რაიმე კონკრეტული სიმპტომები და თავიანთი ჯანმრთელობის ზოგადი მდგომარეობა აინტერესებთ, რას სთავაზობთ მათ ასეთ შემთხვევაში?

ჩვენი კლინიკა მარტის შუა რიცხვებიდან დაიწყებს ახალ პროგრამას - ჯანმრთელობის სრულყოფილად შემოწმებას ე.წ. Check Up-ს, რაც გულისხმობს ჯანმრთელი ადამიანის პრევენციულ შემოწმებას, სხვადასხვა დაავადებათა სიმპტომების გამოვლენამდე.

ლაბორატორიულ-ინსტრუმენტული გამოკვლევები, დიაგნოსტიკა და ექიმებთან კონსულტაციები მოიცავს ერთ სრულ დღეს, ხდება ადამიანის როგორც ანატომიური, ისე ფუნქციური მდგომარეობის შემოწმება. დღის დასასრულს პაციენტს ეძლევა სპეციალური დასკვნა, სადაც შეჯამებულია დიაგნოზი და რეკომენდაციები, პროცედურები მიმდინარეობს მშვიდ, მყუდრო და სასიამოვნო გარემოში.

პროგრამის ფარგლებში წარმოდგენილია სამი სახის პაკეტი, სხვადასხვა სქესისა და ასაკობრივი ჯგუფებისთვის და პაციენტების საჭიროებაზეა მორგებული. მსგავსი პროგრამები მიღებულია საზღვარგარეთ და საკმაოდ სოლიდურ თანხებთან არის დაკავშირებული. ჩვენ მაქსიმალურად ვეცადეთ Check Up პროცედურა ყველასთვის ხელმისაწვდომი გაგვეხადა.

საქართველოში ყოველწლიურად კიბოს 10 000-მდე ახალი შემთხვევა ფიქსირდება, ჩვენ ყველას გვაქვს შანსი, ეს მონაცემები ერთად შევცვალოთ!



გააკეთეთ კომენტარი
კომენტარი არ გაკეთებულა
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
ექიმები ამ დაავადებაზე საუბრისას ხშირად იშველიებენ სტატისტიკას, რათა საფრთხის სერიოზულობა ჯერ კიდევ მაშინ დაგვანახონ,
მსოფლიოს ონკო-გინეკოლოგიურ დაავადებებში მძიმე სტატისტიკა აქვს: ყოველწლიურად 1 მლნ-ზე მეტი
შარდის ბუშტის კიბოს დროს გადაგვარებული უჯრედები იზრდება და მრავლდება ბუშტის კედლის შიგნითა ზედაპირზე,
ლიმფედემა - ლიმფის შეგუბებით გამოწვეული პროგრესირებადი შეშუპებაა, ვლინდება კიდურის, მკერდის, სახის,
ყოველდღიური ფიზიკური აქტივობა აქვეითებს ყოფილი ონკოლოგიური პაციენტების ნაადრევი სიკვდილის რისკს. ეს დასკვნა კიბოსგან განკურნებული 50-74 წლის 2000 ქალის
თბილისის სახემწიფო უნივერსიტეტის ონკოლოგიის დეპარტამენტის პროფესორი, ონკოპრევენციის ცენტრის ხელმძღვანელი
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად