შეიძლება თუ არა გრიპზე აცრა ონკოლოგიურ პაციენტებში
გრიპის საწინააღმდეგო ვაქცინა ზოგადად ადამიანს იცავს გრიპისა და მისი გართულებებისაგან. თუმცა ონკოლოგიური დაავადებებით დაავადებულებში მისი ეფექტურობა ბოლომდე გარკვეული არ არის, იმდენად რამდენადაც კიბოს თანმდევმა იმუნური სისტემის დისფუნქციამ და ქიმიოთერაპიამ შეიძლება შეასუსტოს ვაქცინაზე იმუნური პასუხი. ამიტომაცაა, რომ კიბოთი დაავადებულებს არ გააჩნიათ მკაფიო ინფორმაცია ვაქცინის მნიშვნელობასა და ეფექტურობაზე.
აღნიშნულ საკითხს მიეძღვნა 2275 მოხალისეს მონაწილეობით ჩატარებული კვლევა. ვაქცინირებული და არავაქცინირებული მონაწილეები შემთხვევითობის პრინციპით განისაზღვრენ ჯგუფებში.
კვლევის შედეგებმა აჩვენა, რომ კიბოთი დაავადებულ ზრდასრულ პაციენტებში, გრიპის საწინააღმდეგო ვაქცინაცია სასარგებლოა. ვაქცინის მავნე ზემოქმედება არ გამოვლინდა. გრიპის საწინააღმდეგო ვაქცინა, რომელსაც კიბოთი დაავადებული მოზრდილი ადამიანი იღებს, შეიცავს ინაქტივირებულ ვირუსს, რომელსაც გრიპის ან სხვა ვირუსული ინფექციის გამოწვევა არ შეუძლია.
ლალი ჩხიკვაძე