როგორია გიგანტური სიმსივნური უჯრედები - მკურნალი.გე

რუბრიკები

ოჯახის მკურნალის ანონსი

ივლისი

კითხვა-პასუხი

როგორია გიგანტური სიმსივნური უჯრედები

როგორია გიგანტური სიმსივნური უჯრედები
სიმსივნური უჯრედების ნაწილი განსხვავდება დანარჩენებისგან -შეიცავს ქრომოსომათა გაზრდილ რაოდენობას (დიდი რაოდენობით ასლებს) და შესაბამისად, ძალიან დიდი ზომისაა - ეს ე.წ. გიგანტური პოლიპლოიდური სიმსივნური უჯრედებია. ბრაუნის უნივერსიტეტის მეცნიერებმა შეისწავლეს ამ უჯრედთა ფიზიკური თვისებები - ეს განსაკუთრებით მნიშვნელოვნია, რადგან გიგანტური სიმსივნური უჯრედები კიბოს ჩვეულებრივ უჯრედებთან შედარებით გაცილებით მდგრადია ქიმიო და სხივური თერაპიისადმი, გარდა ამისა, დაავადების რეციდივს ძირითადად ისინი განაპირობებს.

ბიოსამედიცინო ინჟინრების მიერ ჩატარდა არაერთი საინტერესო კვლევა სარძევე ჯირკვლის სამმაგად ნეგატიური კიბოს (უკიდურესად აგრესიული და ვერაგი ფორმის სიმსივნე, რომელთანაც ბრძოლა ძალიან რთულია) უჯრედთა შესასწავლად.
აღმოჩნდა, რომ ამ სიმსივნის სხვადასხვა ფორმის დროს პოლიპლოიდური გიგანტური უჯრედები სულ 2-5 % შეადგენს. უჯრედებში თითოეული ქრომოსომის 4, 8, 16 ან უფრო მეტი ასლია ჩვეულებრივი ორის ნაცვლად. საკუთრივ უჯრედები ძალიან დიდი ზომისაა. ქიმიოთერაპიის შემდეგ ამ უჯრედების რაოდენობა 3-10-ჯერ იზრდება (უჯრედების ნაწილი დაიღუპა პრეპარატის მოქმედების გავლენით),
რამაც სპეციალისტებს მისცა იმის განცხადების საშუალება, რომ ეს უჯრედები რეზისტენტულია მედიკამენტების მოქმედებისადმი.

გიგანტურ პოლიპლოიდურ უჯრედებში მანათობელი ელემენტების შეყვანით, მეცნიერებმა გაარკვიეს, რომ დასახელებული ელემენტები უჯრედების შიგნით ბევრად ნელა გადადგილდება, ამგვარად, თავისი სტრუქტურით ეს უჯრედები რამდენადმე მოქნილია. ისინი სხვა სიმსივნურ უჯრედებთან შედარებით უფრო მეტი რაოდენობით შეიცავს აქტინსა და ბიოპოლიმერებს, რომლებიც უჯრედთა გადაადგილებას უზრუნველყოფს.
მოგეხსენებათ, სიმსივნური უჯრედების გადაადგილებისკვალად, სიმსივნე ვრცელდება - მეტასტაზირებს. გიგანტური უჯრედები ასევე გადაადგილდება და ძალიან საშიშია, მართალია ისინი უფრო ნელა გადადგილდება, მაგრამ უფრო მეტ მანძილზე.

ლაბორატორიულ პირობებში მეცნიერებმა გამოსცადეს პრეპარატი, რომელიც აქტინზე ზემოქმედებს. გაირკვა, რომ ეს პრეპარატი რამდენადმე "რბილს" ხდის გიგანტურ სიმსივნურ უჯრედებს, თუმცა, პაციენტებისათვის ამ მედიკამენტის მოქმედება ტოქსიკური იქნება. მომდევნო ეტაპზე სპეციალისტები გეგმავენ უჯრედების მოლეკულურ დონეზე შესწავლას, რათა მათი განადგურების მექანიზმს უკეთ ჩაწვდნენ.

გიგანტური უჯრედები მეცნიერებმა არა მხოლოდ სარძევე ჯირკვლის კიბოს კულტურების მაგალითზე შეისწავლეს, არამედ საკვერცხისა და პროსტატის კიბოს კულტურებშიც.

თინათინ გოცაძე


გააკეთეთ კომენტარი
კომენტარი არ გაკეთებულა
მსგავსი სიახლეები
Medicalxpress კიბოს გამოწვევ პროდუქტებზე ფრანგი მკვლევრების დასკვნას აქვეყნებს. როგორც ევროპელი ექსპერტები
08-10-2019
მსოფლიო ონკოლოგიური დაავადებების მკურნალობაში უფრო და უფრო ეფექტიანი გზების ძიებაშია.
26-09-2019
ონკოლოგიური დაავადებები საქართველოში, ისე როგორც მთელ მსოფლიოში, აქტუალურ პრობლემად რჩება.
16-09-2019
კატეგორიის სხვა სტატიები
3, 4, 5 აგვისტოს, ფ. თოდუას სამედიცინო ცენტრის მოწვევით კლინიკაში კონსულტაციებს ჩაატარებს
ნაწლავის კიბო ყველაზე გავრცელებულ ონკოლოგიურ დაავადებათა ნუსხაში მეხუთე პოზიციაზეა.
აშშ პირველი ქვეყანაა, სადაც აღიარეს გენური თერაპიის ერთ-ერთი სახეობა, CAR-T-თერაპია, კიბოსთან ბრძოლაში.
სწორი ნაწლავის პოლიპი კეთილთვისებიანი სიმსივნისმაგვარი წარმონაქმნია, რომელიც ნაწლავის კედლიდან სანათურისკენ იზრდება.
იმუნური სისტემა ჯანმრთელობის შენარჩუნებაში უმნიშვნელოვანეს როლს ასრულებს, იგი ერთგვარი დამცავი ბარიერია,
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
საკვების მონელების პროცესის ამა თუ იმ რგოლის მოშლისას,
არსებობს უამრავი კოსმეტიკური პროდუქტი, რომლებიც მსხლის ინგრედიენტებსაც შეიცავს.
მზის მცხუნვარე სხივები უარყოფითად მოქმედებს თმის სიჯანსაღესა და შესახედაობაზე.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად