პროდუქტები, რომლებმაც შესაძლოა კიბოს განვითარებას შეუწყოს ხელი
ხორცი, მაგალითად ბეკონი, ლორი, სალიამი. ხორცის შენახვის ვადის გასაზრდელად და მისი გემოვნებითი თვისებების შესაცვლელად მასში უმატებენ ნიტრატებსა და ნიტრიტებს, რომლებიც კანცეროგენებს წარმოადგენს.
ჯანდაცვის მსოფლიო ორგანიზაციაში მიაჩნიათ, რომ დღეში მხოლოდ 50 გრ გადამუშავებული ხორცის (ორი ნაჭერი ბეკონის ეკვივალენტი) მიღება ნაწლავის კიბოს განვითარების რისკს 18%-ით ზრდის.
როგორც კიბოს შემსწავლელი საერთაშორისო სააგენტო ამტკიცებს, იმ ფაქტორების ნუსხაში, რომლებიც მნიშვნელოვნად ზრდის ონკოლოგიის რისკს, შედის პესტიციდები, საკვები დანამატები და ხელოვნური დამატკბობლები. თუმცა დღეისათვის მეცნიერულად დამტკიცებული არაა პირდაპირი კავშირი მათ მოხმარებასა და კიბოს განვითარებას შორის.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ავთვისებიანი სიმსივნის აღმოცენებას, დამუშავებულ ხორცთან ერთად, ხელს უწყობს სიგარეტის მოწევა, ჭარბი წონა, დაბალი ფიზიკური აქტივობა, ცუდი კვება და ალკოჰოლის მოხმარება. მოწევა დაახლოეით 15 სახეობის ონკოლოგიის რისკ- ფაქტორს და ბრიტანეთში კიბოს შემთხვევათა 15% მიზეზს წარმოადგენს. ალკოჰოლი კიბოს შემთხვევათა 3%-ის მიზეზია.
კიბოთი დაავადების ალბათობის შესამცირებლად, მეცნიერები გვირჩევენ გამოვიყენოთ ე.წ. სუპერპროდუქტები: კურკუმა, მწვანე ჩაი, მოცვი, ბროწეული, ცხიმიანი თევზი, სხვადასხვა ხილი და ბოსტნეული, უჯრედისი. თუმცა არანაირი მეცნიერული დასაბუთება არ არსებობს იმისა, რომ მათ შეუძლიათ ონკოლოგიის პროფილაქტიკა. ასევე რეკომენდებულია წონის შენარჩუნება ნორმის ფარგლებში და მოწევისთვის თავის დანებება.
ლალი ჩხიკვაძე
