თირკმელები და შაქრიანი დიაბეტი - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

თირკმელები და შაქრიანი დიაბეტი

თირკმელები და შაქრიანი დიაბეტი
შაქრიანი დიაბეტი თირკმელებს საკმაოდ ხშირად აზიანებს. პირველი ტიპი დიაბეტის მქონე ყოველ მესამე პაციენტს და
მეორე ტიპი დიაბეტის მქონე პაციენტთა 5 %-ს თირკმელების სხვადასხვა ხარისხით გამოხატული დაზიანება აღენიშნება, რაც კიდევ ერთხელ მიუთითებს პრობლემის აქტუალობას.
შაქრიანი დიაბეტით დაზიანებული თირკმელები გადაუდებელ მკურნალობას ითხოვს, რამდენადაც, პაციენტის მდგომარეობა შესაძლოა სერიოზულად დამძიმდეს.


როგორ აზიანებს დიაბეტი თირკმელებს?

დაზიანების პირველი ნიშნებია უშუალოდ თირკმელების კედლების გამკვრივება და შეჭმუხვნა. თირკმლის გორგლები, რომელთაც სითხის გაფილტვრა ევალება, კედლების ცვლილების გამო ზომით მცირდებიან, კარგავენ მკვებავ კაპილარებს, რაც, საბოლოოდ, იწვევს იმას, რომ მათ ორგანიზმის
თხევადი ნაწილის მავნე ნივთიერებებისგან გაწმენდა აღარ შეუძლიათ.

დიაბეტური დაზიანება დასაწყისში უსიმპტომოდ მიმდინარეობს, რადგან ორგანიზმში სითხის გაწმენდას სხვა კვანძებიც ახორციელებენ, მაგრამ როდესაც პირველი სიმპტომები იჩენს თავს, ორგანო უკვე სერიოზულადაა დაზიანებული. სწორედ ამიტომ ურჩევენ სპეციალისტები შაქრიანი დიაბეტის მქონეთ გეგმურად, პერიოდულად იტარონ თირკმლის გამოკვლევები.


თირკმლის დაზიანების მიზეზები

მთავარი
მიზეზი, რის გამოც თირკმლის მუშაობა ირღვევა, სისხლში შაქრის მომატებული დონეა, თუმცა დიაბეტისას თირკმლის დაზიანების გამომწვევი სხვა ფაქტორებიც არსებობს:

  • ფასთფუდის ხშირი გამოყენება;
  • მემკვიდრეობითობა;
  • არტერიული ჰიპერტენზია.


დაზიანების სახესხვაობანი

დიაბეტი იწვევს თირკმლის დაზიანების რამდენიმე სახესხვაობას:

  • ანგიოპათიას, დიაბეტურ ნეფროპათიას და საშარდე გზების ქრონიკულ ინფექციებს.
  • ანგიოპათიისას თირკმელი განიცდის ჟანგბადის ნაკლებობას, ჟანგბადოვანი შიმშილი კი იწვევს ორგანოს იშემიას, მოგვიანებით ამის ფონზე თავს იჩენს არტერიული ჰიპერტენზია.
  • სისხლძარღვების დაზიანების გამო ორგანო ვეღარ ასრულებს ფილტრის ფუნქციას, ის კარგავს გაფილტვრის უნარს და ვითარდება დიაბეტური ნეფროპათია. ყოველივეს დიაგნოსტირება შესაძლებელია თვალის ფსკერის დათვალიერებით.
  • თირკმლის მიერ გამოყოფილ ურინში შაქრის დონის მკვეთრი მატება იწვევს პათოგენური მიკროორგანიზმების სწრაფ და აქტიურ განვითარებას, რაც საბოლოოდ საშარდე გზების ქრონიკული ინფექციების მიზეზი ხდება.


დიაბეტური ნეფროპათიის ნიშნები


თირკმელების დიაბეტური დაზიანება ვლინდება ისეთი სიმპტომებით, როგორებიცაა:

  • არტერიული წნევის მატება;
  • შეშუპება (დღისით - ქვედა კიდურები, ღამით - სახე და ხელები);
  • შარდის მოწითალო ფერი;
  • ხშირი შარდვა და ქავილი;
  • წელის ტკივილი;
  • კანის ქავილი, გამონაყარის გარეშე.

დიაბეტისას სისხლი შარდში თირკმელების ქრონიკულ დაზიანებას მიუთითებს.

თირკმელების დაზიანების პირველივე ნიშნების აღმოჩენისას პაციენტმა დაუყოვნებლივ უნდა მიმართოს სპეციალისტს, რომ მოსალოდნელი ნეგატიური შედეგების დროული ლიკვიდირება მოხდეს. დიაბეტისას თირკმლის ცვლილებანი იწვევს მრავლობით გართულებას, ამასთან, პათოლოგია სწრაფად პროგრესირებს და შედეგად ვღებულობთ:

  • რეტინოპათიას - თვალის ფსკერის სისხლძარღვთა დაზიანება-დეფორმაციას;
  • ნეიროპათიას - ნერვული სისტემის მოშლილობებს;
  • თირკმლისმიერ უკმარისობას.

გარდა ამისა, ადამიანს უკვე მუდმივად აწუხებს ტკივილი წელის არეში, სხეულის მომატებული ტემპერატურა, ქავილი, უჩივის ზოგად სისუსტეს.


თავდაცვის საშუალებანი

  • უპირველესი ღონისძიება სისხლში შაქრის დონის მუდმივი კონტროლია;
  • ნუ დატოვებთ რეაგირების გარეშე არტერიული წნევის ცვლილებას;
  • სისხლში შაქრის დონის გაკონტროლებისას გამოიყენეთ მხოლოდ ხარისხიანი ინსულინი;
  • უკუაგდეთ ჰიპოდინამია და რაც შეიძლება მეტი იმოძრავეთ;
  • ყურადღებას საჭიროებს კვება და სისხლში მავნე ქოლეტერინის დონის გაკონტროლება;
  • რაციონში უნდა შედიოდეს ვიტამინებითა და მინერალებით მდიდარი პროდუქტები;
  • ნივთიერებათა ცვლის ნორმალიზებას ძალიან უწყობს ხელს მარტივი ფიზიკური დატვირთვები - სუფთა ჰაერზე სიარული, სირბილი, ველოტრენაჟორი.

პროფილაქტიკური ღონისძიებები არა მხოლოდ თირკმელების, მთელი ორგანიზმის მდგომარეობას აუმჯობესებს, რაც მნიშვნელოვნად ზრდის დამაზიანებელი ფაქტორებისადმი მისი წინააღმდეგობის უნარს, ეს კი ჯანმრთელობის საიმედო გარანტია.
გააკეთეთ კომენტარი
თარიღი : 09-06-2018
მარი
რას ნიშნავს "ხარისხიანი ინსულინი"?! რომელია ხარისხიანი და რომელი უხარისხო და თუ უხარისხოა რატომ არის გაყიდვაში?! მადლობა.
მსგავსი სიახლეები
ამპელოთერაპია - ყურძნით მკურნალობა ამპელოთერაპია სპეციალური ჯიშის ყურძნით მკურნალობის უძველესი მეთოდია,
05-11-2018
ბულგარეთისა და რუსეთის მეცნიერები აქვეყნებენ მრავალწლიანი ერთობლივი კვლევის შედეგებს - ტკბილი
29-01-2019
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ბირმინგემის უნივერსიტეტის მეცნიერები, სტრესის გადატანისას, გვირჩევენ კაკაოს დალევას
კატეგორიის სხვა სტატიები
შაქრიანი დიაბეტი, სხვა ორგანოთა მსგავსად, თირკმელებსაც აზიანებს.
როგორც იაპონელი მედიკოსები გვაფრთხილებენ, თუ ადამიანი ღამის განმავლობაში რამდენიმეჯერ დგება შარდვის
ადამიანის ორგანიზმში იმუნურ და ნერვულ სისტემებს შორის რომ გარკვეული კავშირია, ამ საკითხს მსოფლიოს სხვადასხვა
შარდ-კენჭოვანი დაავადების მკურნალობა რამდენიმე მეთოდით ხდება:
თირკმელების ქრონიკული უკმარისობის გამო ორგანიზმში მთელი შინაგანი გარემოს მუდმივობა ირღვევა, რაც საბოლოოდ
სისხლის გაწმენდის პრობლემა მედიცინის წინაშე ანტიკური ეპოქიდან იდგა.
„სმარტფარმთან“ ინეტერვიუში ალერგიულ რინიტზე საუბრობს ბაია ბეზარაშვილი - ალერგოლოგ-იმუნოლოგი, მედიცინის მეცნიერებათა დოქტორი, პროფესორი.
ისრაელში მასობრივი ვაქცინაცია დეკემბრის ბოლოდან დაიწყო. ვნახოთ, რა გვაჩვენა
Los Angeles Lakers-ის ერთ-ერთი მფლობელი, ექიმი პატრიკ სუნ-შიონგი მუშაობს კორონავირუსის საწინააღმდეგო ორალურ ვაქცინაზე,
ზოგიერთი პროდუქტი, რომელზეც არის ობის სოკო, განსაკუთრებით საშიშია.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად