მითები თამბაქოს მიტოვების შესახებ
29.10.2014
თამბაქოს წევაზე უარის თქმას ჯანმრთელობისთვის ნამდვილად ფასდაუდებელი სიკეთე მოაქვს, თუმცა
ამ მავნე ჩვევის მიტოვების შესახებ უამრავი მითი არსებობს.
1. ელექტრონული სიგარეტი შველის
- სინამდვილეში ის არცთუ ისე ქმედითია, როგორც თავდაპირველად ეგონათ - კალიფორნიელმა მეცნიერებმა დაადგინეს, რომ მწეველები, რომლებიც ელექტრონულ სიგარეტზე გადადიან, საბოლოოდ უფრო ძნელად ანებებენ თავს მოწევას, ვიდრე ისინი, ვინც თამბაქოსთვის თავის დანებებას ელექტრონული სიგარეტის გარეშე ცდილობს.
2. წონის მომატება გარანტირებულია
- თუ სიგარეტის ნაცვლად თავს სასუსნავით შეიქცევთ, წონას ნამდვილად მოიმატებთ, მაგრამ ეს თამბაქოზე უარის თქმის კი არა, არასწორი კვების შედეგი იქნება.
3. გადაჩვევა ძვირია
- ბევრი სიგარეტზე იმიტომ არ ამბობს უარს, რომ სამკურნალო პლასტირებისა და პრეპარატების გამოყენება ძვირი უჯდება. მოთვალეთ, რამდენს დაზოგავთ ამ მავნე ჩვევაზე უარის თქმის შემთხვევაში და დარწმუნდებით, რომ მკურნალობისთვის გაწეული ხარჯი გამართლებულია.
4. სიგარეტის შემცვლელები დაგეხმარებათ
- უკანასკნელ ხანს გამოჩნდა სიგარეტის შემცვლელი უამრავი მოსაწევი საშუალება, რომლებიც თამბაქოს არ შეიცავს, მაგრამ მათი რეგულარული გამოყენებისას ორგანიზმში მნიშვნელოვანი რაოდენობის კანცეროგენული ნივთიერება გროვდება, ამიტომ მათ გამოყენებას არ გირჩევთ.
5. გამოცდილი მწეველებისთვის უარის თქმას აზრი აღარ აქვს
- სიგარეტზე უარის თქმა არასოდეს არის გვიანი. სიგარეტის გარეშე გატარებული ერთი წელი 2-ჯერ ამცირებს გულ-სისხლძარღვთა დაავადებების განვითარების ალბათობას.
უკანასკნელი სიგარეტის მოწევიდან 20 წუთის შემდეგ ქვეითდება გულისცემა და არტერიული წნევა, 12 საათის შემდეგ - სისხლში ტოქსინების დონე, 2-3 თვის შემდეგ საგრძნობლად უმჯობესდება სისხლის ცირკულაცია და ფილტვების მუშაობა.
6. სიგარეტის გარეშე სტრესთან გამკლავება შეუძლებელია
- თუ ადამიანს მიაჩნია, რომ თამბაქო მას სტრესის დაძლევაში ეხმარება, მასზე უარის თქმისას შინაგანი დაძაბულობა ნამდვილად მოიმატებს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ნიკოტინი თავისთავად სტიმულატორია, ამიტომ სტრესის მოხსნა მას არ შეუძლია. მწეველს შვებას ჰგვრის არა თამბაქოს წევა, არამედ აზრების მობილიზება მოწევის დროს.
7. იკლებს შრომის ნაყოფიერება
- თამბაქოს წევა სწორედ რომ არ გვაძლევს საკუთარი შესაძლებლობების სრულად გამოყენების საშუალებას. ამასთან, მწეველები უფრო ხშირად ავადმყოფობენ და აცდენენ სამსახურს.
8. დაკარგავთ მეგობრებს
- მართალია, სიგარეტზე უარის თქმისას მეგობრებთან ერთად შესვენებაზე თამბაქოს წევით ვეღარ “გაერთობით”, მაგრამ ეს სულაც არ ნიშნავს, რომ თქვენს ურთიერთობაში რაიმე შეიცვლება.
გახსოვდეთ: ნამდვილი მეგობარი ყოველთვის მხარს დაუჭერს თქვენს სასარგებლო გადაწყვეტილებას, ამიტომ თამამად თქვით უარი იმაზე, რაც ჯანმრთელობას სერიოზულ ზიანს აყენებს!
