როგორ დავეხმაროთ ნაბახუსევის სინდრომის დროს - მკურნალი.გე

ლალი ჩხიკვაძე

რა არის ნაბახუსევის სინდრომი, რა შედეგები მოჰყვება და როგორ გავუმკლავდეთ მას?

ალკოჰოლური სასმელების მიღებიდან რამდენიმე საათის შემდეგ შეიძლება გამოვლინდეს მთელი რიგი სიმპტომები, რომლებიც ხელს უშლის ორგანიზმის ნორმალურ ფუნქციონირებას. ზოგი შეიძლება გამოვლინდეს უბრალო დაღლილობის სახით, ზოგი მიუთითებს მოხსნის (აბსტინენციის) სიმპტომებზე.

ნაბახუსევის სინდრომი არის ალკოჰოლური ინტოქსიკაცია, რომელიც გამოწვეულია ალკოჰოლის შემცველი სასმელების გადაჭარბებული მოხმარებით. რა თქმა უნდა, ყველას ერთხელ მაინც განგვიცდია ეს პრობლემა. სადღესასწაულო სუფრაზე საკუთარ თავს ერთი-ორი ჭიქა ალკოჰოლური სასმელოს დალევის უფლებას ვაძლევთ. უშუალოდ ალკოჰოლის დალევის დროს შეიძლება არ აღინიშნოს რაიმე სიმპტომი. შეიძლება თავს კარგადაც გრძნობდე. თუმცა, არსებობს რისკი იმისა, რომ დილით მდგომარეობამ სხვა ფორმა მიიღოს.

რაც შეეხება აბსტინენციური ნაბახუსევის სინდრომს, მისი სიმპტომები ჩვეულებრივი ნაბახუსევის სინდრომის მსგავსია. თუმცა, ის ვითარდება ადამიანებში, რომლებსაც აქვთ ალკოჰოლიზმის მეორე სტადია მაინც და ბევრად უფრო დიდხანს გრძელდება და უფრო მძიმეა.

როგორ მოვიქცეთ ნაბახუსევის სინდრომის დროს?

მეორე დღეს საჭიროა, მიირთვათ მსუბუქი საკვები, დალიოთ ბევრი სითხე და ისეირნოთ სუფთა ჰაერზე. ეს გაგიადვილებთ ნაბახუსევის სინდრომის დაძლევას.

ნაბახუსევის სინდრომი არის სხეულის ინტოქსიკაციის მდგომარეობა ალკოჰოლის დალევის შემდეგ.

ჯანმრთელობის მდგომარეობის გაუარესებაში ამ დროს მთავარი დამნაშავე არის აცეტალდეჰიდი, ტოქსიკური ნივთიერება, რომელიც წარმოიქმნება ღვიძლის ფერმენტების მიერ ალკოჰოლის დამუშავებისას. ჭარბი ალკოჰოლის მიღებისას, ფერმენტული სისტემები ვერ უმკლავდებიან ტოქსინების სრულ განეიტრალებას, რაც იწვევს შემდეგი სიმპტომების გამოვლენას: სისუსტე, გულისრევა, თავის ტკივილი, შფოთვა და ა.შ.

მსუბუქი ნაბახუსევის სინდრომი თავისთავად გადის, თქვენ უბრალოდ უნდა დაეხმაროთ ორგანიზმს ალკოჰოლის მეტაბოლიზმის ტოქსიკური პროდუქტების გამოდევნაში. ამისათვის დალიეთ მეტი სითხე.

სუფთა არაგაზირებული წყალი, ნატურალური წვენები, ხილის უშაქრო კომპოტი, კიტრის ან კომბოსტოს მჟავის წვენი - დაგეხმარებათ გაუმკლავდეთ დეჰიდრატაციას, აღადგინოთ ელექტროლიტური წონასწორობა და შეამციროთ შეშუპება.

სუფრის შემდეგ, მეორე დღეს, უპირატესობას ანიჭებენ მსუბუქ კერძებს:

• შვრიის ფაფას,
• უცხიმო ქათმის ბულიონს.

ისინი ხელს შეუწყობენ კუჭ-ნაწლავის ტრაქტის ფუნქციონირებას და ორგანიზმს უზრუნველყოფენ ენერგიით.

ნივთიერებათა ცვლის დასაჩქარებლად და მეტაბოლიზმის გასაუმჯობესებლად რეკომენდებულია სუფთა ჰაერზე სეირნობა, თუმცა ინტენსიური ვარჯიში არ არის რეკომენდებული.

ეს მეთოდები დაგეხმარებათ მხოლოდ ზომიერი ნაბახუსევის სინდრომის დროს. მძიმე ინტოქსიკაციის შემთხვევაში უნდა მიმართოთ შესაბამის სპეციალისტს.

ასევე წაიკითხეთ:

ალკოჰოლური ინტოქსიკაციის სიმპტომები

ალკოჰოლური ინტოქსიკაციის დროს ეიფორიის (ნეტარების) მდგომარეობას ხშირად ენაცვლება თვითშეგრძნების მკვეთრი გაუარესება. თავდაპირველად ვლინდება:

• გულისრევა, ღებინების მოთხოვნილება;
• სახის შეწითლება;
• წებოვანი ოფლი;
• არტერიული და ქალაშიდა წნევის მომატება.

ამ ეტაპზე სათანადო ღონისძიებების გარეშე მოწამლულის მდგომარეობა უფრო მძიმდება: განაგრძეთ კითხვა