ლალი ჩხიკვაძე

• ხშირი გაციება,
• დაქვეითებული ლიბიდო,
• მაღალი წნევა.

ალკოჰოლიზმის საწყისი ნიშანია ჰიპერტენზია. ალკოჰოლური სასმელების გახანგრძლივებული მოხმარების გამო, სისხლძარღვები ვიწროვდება და გულს უწევს მეტი იმუშაოს, რომ სისხლი მთელ სხეულში გადატუმბოს, რაც იწვევს არტერიული წნევის მატებას.

ჰიპერტენზიამ შეიძლება გაზარდოს გულის შეტევის, ინსულტის და დემენციის რისკი.

ალკოჰოლიზმის კიდევ ერთი არა აშკარა სიმპტომია სექსისადმი ინტერესის დაქვეითება. თავდაპირველად, ალკოჰოლს აქვს მასტიმულირებელი მოქმედება ლიბიდოზე პასუხისმგებელ ჰორმონებზე სეროტონზე, დოფამინზე და ტესტოსტერონზე, მაგრამ ალკოჰოლის სისტემატური ბოროტად გამოყენებისას მათი დონე იწყებს კლებას.

ამან შეიძლება გამოიწვიოს სექსისადმი ინტერესის დაქვეითება, ნაყოფიერების და ორგაზმის პრობლემები, მენსტრუალური ციკლის დარღვევა და იმპოტენცია.

ალკოჰოლთან დაკავშირებული პრობლემების ნიშნები შეიძლება მოიცავდეს მუდმივ ცუდ განწყობას და გაზრდილ შფოთვას. ასევე, ჭარბი ალკოჰოლი უარყოფითად მოქმედებს ძილის ხარისხზე და იწვევს მნიშვნელოვანი ვიტამინებისა და მიკროელემენტების დეფიციტს, რის გამოც ადამიანი მუდმივად გრძნობს დაღლილობას.

გარდა ამისა, ალკოჰოლის გადაჭარბებულ მოხმარებაზე მიუთითებს მხედველობის დაქვეითება და დასუსტებული იმუნური სისტემა და, შედეგად, ხშირი გაციება და კუჭ-ნაწლავის ტრაქტის პრობლემები.