ელექტროსიგარეტი - იწვევს თუ არა დამოკიდებულებას და არის თუ არა საშიში ჯანმრთელობისთვის
ელექტროსიგარეტი მასში არსებულ სითხეს გარდაქმნის ორთქლად და ადამიანს თამბაქოს მოწევის შეგრძნება ეუფლება. ელექტროსიგარეტი შეიცავს ნიკოტინს და სხვა ქიმიურ ნივთიერებებს.
ისევე, როგორც ჩვეულებრივი სიგარეტი, ელექტროსიგარეტის უმეტესობა შეიცავს ნიკოტინს საკმაოდ დიდი რაოდეობით(ერთი ეექტროსიგარეტის სითხეში იმდენი ნიკოტინია, რამდენიც ერთ შეკვრა სიგარეტში).
ვეიპინგი საკვებისა და წამლის ადმინისტრაციის(FDA)-ს მიერ არ არის დამტკიცებული, როგორც მოწევისთვის თავის დანებების საშუალება, თუმცა ზოგიერთი კვლევის თანახმად, ელექტროსიგარეტს გააჩნია გარკვეული როლი ამ მიზნის მიღწევაში, ზოგიერთ შემთხვევაში კი ის ისეთივე ეფექტურია, როგორც ნიკოტინის ჩანაცვლებითი თერაპია.
იწვევს თუ არა ვეიპინგი დამოკიდებულებას
ვეიპინგი ისევე იწვევს დამოკიდებულებას, როგორც ჩვეულებრივი სიგარეტი. ელექტროსიგარეტების დიდი ნაწილი შეიცავს ნიკოტინს, რომელიც იწვევს დამოკიდებულებას.
არის თუ არა ვეიპინგი უსაფრთხო
ელექტროსიგარეტი უფრო ნაკლებ საშიშ ქიმიურ ნივთიერებას შეიცავს, ვიდრე ჩვეულებრივი სიგარეტი. მაგრამ, მისი ორთქლი არც თუ ისე უსაფრთხოა ჯანმრთელობისთვის ნიკოტინის შემცველობის გამო. მასში გვხვდება ქიმიური ნივთიერება დიაცეტილი, რომელიც დაკავშირებულია ფილტვის კიბოსთან. აეროზოლი, რომელიც ელექტროსიგარეტის მოხმარების შედეგად გამოიყოფა შეიცავს ჯანმრთელობისთვის საზიანო მრავალ ქიმიურ ნივთიერებას:
- ნიკოტინი;
- დიაცეტილი;
- მძიმე მეტალები(ნიკელი, კალა, ტყვია);
- სიმსივნის გამომწვევი ნივთიერებები
დღესდღეობით, მოწევისთვის თავის დანებების ყველაზე ეფექტურ გზად ნიკოტინის ჩანაცვლებითი თერაპიაა მიჩნეული.