რა შეიძლება დააზიანოს მარიხუანას კვამლის ტოქსიკურმა ნაწილაკებმა
საერთო ჯამში მეცნიერებმა აღწერეს 536 ნაერთი, რომელთაგან 110 ცალსახად ტოქსიკური თვისებებით ხასიათდება (ახდენენ კანცეროგენულ, მუტაგენურ და ტერატოგენულ ეფექტს).
მარიხუანას ნაწილაკები მეცნიერებმა შეადარეს თამბაქოს კვამლის ნაწილაკებს. აღმოჩნდა, რომ თამბაქოს კვამლში მეტი ტოქსიკური ნაწილაკი იყო. სამაგიეროდ მარიხუანას კვამლში არსებული ნაწილაკები უფო დიდი ზომისაა. ნაწილაკების ზომა განსაზღვრავს, სასუნთქ გზებში მათი მოხვედრისა და დალექვის ადგილს.
მარიხუანა საშიშია არა მარტო ფილტვებისთვის. კვლევებმა აჩვენა, რომ მარიხუანას მომხმარებელი ადამიანები ინსულტისა და გულის უკმარისობის განვითარების მომატებული რისკის ქვეშ იმყოფებიან. მეცნიერები ვერ აზუსტებენ, როგორი დოზირების შემდეგ ვლინდება გადახრები და რატომ მოქმედებს მარიხუანა უარყოფითად გულ-სისხლძარღვთა სისტემაზე. არსებული თეორიის თანახმად, გულის კუნთის უჯრედების რეცეპტორები ზიანდება და ორგანო კარგავს ეფექტურად შეკუმშვის უნარს. მარიხუანა ასევე ზრდის თრომბების წარმოქმნის რისკს.