კვლევამ აჩვენა, რომ მარიხუანას ბაზაზე შექმნილი პრეპარატები ფსიქოზს აღრმავებს
მარიხუანას საფუძველზე შექმნილი პრეპარატები განიხილება ფისიქიკური პრობლემების გადაჭრის უნივერსალურ საშუალებებად. მაგალითისთვის, არაერთხელ გაცხადებულა, რომ მცენარეული ნარკოტიკი ამცირებს შფოთვას, დეპრესიასა და ფსიქოზს, მაგრამ ამის უტყუარი მტკიცებულება არ არსებობს.
ხშირად, სამედიცინო მარიხუანას იყენებენ პოსტტრავმული სტრესული მოშლილობის, ეპილეფსიით, თავის ტვინის ტრავმის, ტურეტის ჰიპერაქტიური სინდრომის და სხვადასხვა ფსიქიკური დაავადებების მქონე პირები.
სპეციალისტებმა გააანალიზეს 83 გამოქვეყნებული თუ გამოუქვეყნებელი კვლევა, რომელიც შეეხებოდა 3000 ადამიანს 1980-დან 2018 წლამდე პერიოდში. აღმოჩნდა, რომ ფარმაცევტული ტეტრაჰიდროკანაბინოლი (მარიხუანას ძირითადი ფსიქოაქტიური ინგრედიენტი), კანაბიდიოლით ან მის გარეშე აღრმავებდა ფსიქოზის მიმდინარეობას და არ ახდენდა მნიშვნელოვან ზეგავლენას სხვა ფსიქიკური დაავადებების გამოსავალზე. ამასთან, აღინიშნებოდა გვერდითი მოვლენების შემთხვევები მარიხუანას საფუძველზე არსებული საშუალებების გამოყენებისას.
ლალი ჩხიკვაძე