ნახეთ ფლორიდაში ხიდის ჩამონგრევის პირდაპირი კადრები (ვიდეო)
დაღუპულია 4 ადამიანი, 9 დაშავებული კი საავადმყოფოში გადაიყვანეს. ჩამონგრეული ხიდის ქვეშ რვა მანქანა მოჰყვა.
მოძრაობის განტვირთვის მიზნით ქვეითთა გადასასვლელი ხიდი ქუჩაზე შაბათს გახსნეს. უცნობია, რა გახდა ახალაშენებული ხიდის დანგრევის მიზეზი. ფლორიდის საერთაშორისო უნივერსიტეტის პრეზიდენტის, მარკ როზენბერგის თქმით, უნივერსიტეტმა ხიდის აშენებისთვის ყველა პირობა დაიცვა და სამშენებლო სამუშაოებსაც ლიცენზირებულ კონტრაქტორები ატარებდნენ.
ამ ადგილას გასულ წელს ავტოავარიას ფლორიდის უნივერსიტეტის სტუდენტი ემსხვერპლა. ამის შემდეგ ხიდის აშენება სტუდენტებისთვის უსაფრთხო გადასასვლელის მოწყობის მიზნით დაიწყო. ფლორიდის გუბერნატორის განცხადებით, სამართალდამცველები ჩამონგრევის მიზეზებს შეისწავლიან.