რუსთავში ბუნებრივი აირის ნამწვით სამი ადამიანი მოიწამლა
ერთ-ერთ საცხოვრებელ კორპუსში მოხდა.
ინტოქსიკაციის კლინიკური ნიშნებით, ქალაქის ცენტრალურ საავადმყოფოში 29 წლის ქალი, ბავშვთა საავადმყოფოში კი მისი ორი მცირეწლოვანი შვილი გადაიყვანეს.
ექიმების ინფორმაციით, საბედნიეროდ, სამივეს მსუბუქი ინტოქსიკაცია ჰქონდა. შესაბამისი სამედიცინო დახმარების გაწევის შემდეგ, დღეს დილით, ისინი სტაციონარიდან სახლში გაწერეს.
წინასწარი ინფორმაციით, ინტოქსიკაციის მიზეზი, ტექნიკური ნორმების დარღვევით დამონტაჟებული წყლის გამათბობელი გახდა.
2018 წლის იანვრიდან დღემდე, რუსთავში ბუნებრივი აირითა და CO-თი ინტოქსიკაციის 30 შემთხვევა დაფიქსირდა.