რუსთავში მესამე კლასის მოსაწავლეს არაინფექციური წარმოშობის ენცეფალიტი დაუდგნდა,რაც გადამდები არ არის - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რუსთავში მესამე კლასის მოსაწავლეს არაინფექციური წარმოშობის ენცეფალიტი დაუდგნდა,რაც გადამდები არ არის

ტემპერატურით, პირღებინებითა და თავის ძლიერი ტკივილით გადაიყვანეს. თავდაპირველად, რუსთავის #11-ე საჯარო სკოლის მესამე კლასის მოსწავლე რუსთავის ბავშვთა ცენტრალურ საავადმყოფოში მოათავსეს. მედიკოსების განცხადებით, სიმპტომებიდან გამომდინარე, ეჭვი ვირუსულ ინფექციაზე მიიტანეს და პაციენტი კატასტროფის მედიცინის ცენტრის რეანიმობილით თბილისში გადაიყვანეს.

რუსთავის საზოგადოებრივი ჯანდაცვისა და უსაფრთხო გარემოს უზრუნველყოფის ცენტრის დირექტორის, დავით ბეგაშვილის განცხადებით, გამოკვლევების შედეგად დადგინდა, რომ ბავშვი არაინფექციური წარმოშობის ენცეფალიტით არის ავად, გამომდინარე აქედან, არც თანაკლასელებზე, არც სკოლის სხვა მოსწავლეებზე, არც ოჯახის წევრებზე და ზოგადად იმ პირებზე, ვისთანაც მე-11 საჯარო სკოლის მესამეკლასელ ბიჭს შემხებლობა ჰქონდა, დაავადების გადადების ან გავრცელების საფრთხე არ არსებობს.

,,ბავშვი თბილისში, ციციშვილის სახელობის კლინიკაშია გადაყვანილი, სადაც ჩაუტარდა გამოკვლევები, მათ შორის თავ-ზურგ-ტვინიდან აღებულია სითხე, ჩატარდა ინფექციებზე კვლევა და ამ ანალიზებმა არც ვირუსული და არც ბაქტერიული გამომწვევი მიზეზი ამ დაავადების ვერ დააფიქსირა. ანუ უფრო ზუსტად რომ ვთქვათ, საეჭვოც კი ვერაფერი ნახეს. ჩვენს დღეს კიდევ ერთხელ გადავამოწმეთ ინფორმაცია დაავადებათა კონტროლის ეროვნული ცენტრის შესაბამის დეპარტამენტში, ხომ არ შესულა შეტყობინება მენენგო ინფექციის თაობაზე და პასუხია, რომ მსგავსი არაფერია. ციციშვილის სახელობის კლინიკაში ჩატარებული კვლევების შედეგად რადგან ვერ აღმოაჩინეს ინფექცია, ბავშვი გადაიყვანეს ქავთარაძეზე, სადაც მაგნიტორეზონანსული ტომოგრაფია გაუკეთეს და დაადგინეს ენცეფალიტი, მაგრამ ენცეფალიტი ამ შემთხვევაში გამოწვეულია არა ინფექციით, არამედ არაინფექციური მიზეზებით, ნებისმიერი სხვა დაავადებით, რომელიც გადამდები არ არის. კვლევის შედეგად დადასტურდა, რომ არის ენცეფალიტის ისეთი ფორმა, რომელიც არანაირ საფრთხეს არ წარმოადგენს გადადების თვალსაზრისით და არც ოჯახის წევრებისთვის, არც კლასელებისთვის და არც სკოლისთვის, ზოგადად გარშემომყოფებისთვის. მოკლედ, საბოლოო დიაგნოზი არის - არა ინფექციური წარმოშობის ენცეფალიტი“, - განაცხადა ,,ინტერპრესნიუსთან“ საუბარში რუსთავის საზოგადოებრივი ჯანდაცვისა და უსაფრთხო გარემოს უზრუნველყოფის ცენტრის დირექტორმა დავით ბეგაშვილმა.

მისივე თქმით, შეხვდა სკოლის დირექციას და პედკოლექტივს, ასვე სკოლის ექიმს და მიაწოდა დეტალური ინფორმაცია აღნიშნული ფაქტის თაობაზე. „პანიკის არანაირი საფუძველი არ არსებობს. მართალია სკოლაში მაინც გაუკეთებიათ დეზინფექცია მშობლების დასამშვიდებლად, მაგრამ კვალიფიციური მიდგომით ასეთ შემთხვევაში დეზინფექცია საჭირო არ არის. როცა ინფექცია არ არსებობს, იქ დეზინფექცია რის წინააღმდეგ უნდა გააკეთო?! ვიყავით სკოლაში, შევხვდით დირექტორს, სკოლის ექიმს, კლასის დამრიგებელს და მივაწოდეთ დეტალური ინფორმაცია. მზად ვარ, თუ მშობლებს ექნებათ სურვილი, მათაც გავესაუბრო“,- განაცხადა დავით ბეგაშვილმა.

მარიკა ვარდოშვილი