2 ტონაზე მეტი ვადაგასული და საეჭვო წარმომავლობის ხორცის გამოვლენის გამო შპს „აგროფერმა“ დააჯარიმეს
ინფორმაციაშია აღნიშნული,სახელმწიფო კონტროლის ფარგლებში, შემოწმდა საბითუმო-სარეალიზაციო ობიექტი შპს „აგროფერმა“, სადაც მიმდინარე წელს განხორციელებული შემოწმებების შედეგად სააგენტოს წარმომადგენლებმა 2 ტონაზე მეტი ვადაგასული და საეჭვო წარმომავლობის ხორცი გამოავლინეს. ბიზნესოპერატორი დაჯარიმდა, საეჭვოდ მიჩნეული სურსათი კი დაილუქა და ბიზნესოპერატორს მისი განადგურება დაევალა.
შემოწმება თბილისში, აგლაძის ქუჩაზე მდებარე შპს "აგროფერმას" ტერიტორიაზე ჩატარდა. სურსათის ეროვნულ სააგენტოში ამ ეტაპზე არ აკონკრეტებენ, ამარაგებდა თუ არა აღნიშნული შპს სხვა ობიექტებს ხორცით. როგორც "მკურნალი.გე"-ს უწყებაში განუმარტეს, ამის დასადგენად ამჟამად მოკვლევა მიმდინარეობს.
თამარ ნეფარიძე