ჩიფსები და გაზიანი წყალი
ჰარვარდელმა მეცნიერებმა მუწუკების გაჩენისა და კვების თავისებურებათა ურთიერთკავშირის დასადგენად 47 ათასზე მეტი ქალი გამოკითხეს. აღმოჩნდა, რომ ქალების უმეტესობა (61%) ბავშვობაში მხოლოდ ჩვეულებრივ რძეს სვამდა, 20% - უცხიმოს, 7% - მოხდილს, ხოლო 2% - მშრალს. ქალებს, ვინც მოუხდელ რძეს დღეში სამჯერ მაინც სვამდა, სახეზე გამონაყარის გაჩენის ალბათობა 22%-ით მეტი ჰქონდათ, ვიდრე მათ, ვინც რძეს კვირაში ერთხელ ან უფრო იშვიათად მიირთმევდა, ხოლო მათ შორის, ვინც მხოლოდ მოხდილ რძეს იღებდა, ამ განსხვავებამ 44%-ს მიაღწია. კიდევ უფრო სარისკო აღმოჩნდა რძის პროდუქტები - მათი წყალობით მუწუკების გაჩენის რისკი 63%-მდე იმატებდა. თუმცა ეს რიცხვები ჯერჯერობით არაფერს ნიშნავს. ვიდრე კვლევის შედეგები არ დადასტურდება, მოზარდებს ვურჩევთ, რძე აუცილებლად მიირთვან, ოღონდ ზომიერად.