ყველა ერთად თუთას დასახმარებლად!
საზოგადოების დახმარება ესაჭიროება. იმისათვის, რომ თუთას გერმანიაში უმკურნალონ, 100 ათასი ევროა საჭირო. საზოგადოების დახმარებით, გერმანიის კლინიკაში გადაირიცხა სამკურნალო თანხის ნაწილი, თუმცა მკურნალობის გასაგრძელებლად თანხები კვლავ მოსაგროვებელია.
"თქვენი თანადგომით თუთას ცხოვრების ახალი შანსი ეძლევა და ეს სულ ყველას დახმარებაა. მადლობა უფასური გახდა იმ ძალისხმევისთვის, რაც თქვენ თუთასთვის გაიღეთ! მეგობრებო ყველას უკლებლივ კიდევ ერთხელ გთხოვთ დახმარებას, რათა შევძლოთ მეორე ნაწილის შეგროვება რომ ყველაფერმა კარგად ჩაიაროს. ჩვენთან იდექით ბოლომდე. თქვენ რომ არა, ვერაფერი გამოვიდოდა! ერთად ყველაფერს შევძლებთ. სასწაული ხდება თუთას გარშემო! უღრმესი მადლობა!!!!!!", დაწერა რამდენიმე დღის წინ თუთას დედამ, ანკა ბერიშვილმა.
28 იანვარს "ფაბრიკაში" - Dive ბარში გაიმართა საქველმოქმედო კონცერტი, შემოსული თანხა მთლიანად გადაირიცხება #თუთასთვის. "ფაბრიკის" ეზოში გაიმართა ასევე გამოფენა-გაყიდვა, სადაც დასწრება თავსუფალი იყო და მსურველებს შესაძლებლობა ჰქონდათ შეეძინათ უამრავი საინტერესო ნივთი.
შემოსული თანხა მთლიანად გადაირიცხება #თუთასთვის.
თუთას დახმარება ასევე შეგიძლიათ ცნობილი მხატვრების რეპროდუქციების შეძენით, რომლებიც დაბეჭდილია კანვასზე და გადაჭიმულია ხის ქვეჩარჩოზე. თითო რეპროდუქციის ფასი 35 ლარია. შემოსული თანხა სრულად ჩაერიცხება ოჯახს. რეპროდუქციების შესაძენად იხილეთ ბმული: http://printarea.ge/tutastvis/