ადამიანის იმუნოდეფიციტის ვირუსით მხოლოდ სრულყოფილი თაგვები ინფიცირდებიან
.
მეცნიერთა მიერ გამოყვანილი თაგვები მგრძნობიარენი არიან აივ-ის მიმართ, მეტიც - ეს ვირუსი სქესობრივი გზით გადაედებათ. ლაბორატორიული თაგვები ბიოსამედიცინო კვლევებისთვის ყველაზე მოხერხებულ მოდელს წარმოადგენენ. მათი მთავარი ღირსება სიიაფე და სიცოცხლის შედარებით მცირე ხანგრძლივობაა. მაგრამ-
-
აივ-ზე გამოსაკვლევად ეს მღრღნელები არ გამოდგებიან, ვინაიდან შიდსის ვირუსით მათი ინფიცირება შეუძლებელია.
შეძენილი იმუნოდეფიციტის სინდრომის სამკურნალო და პროფილაქტიკური ექსპერიმენტული პრეპარატების უმრავლესობა ამჟამად მაკაკებზე გამოიცდება, რაც საგრძნობლად ზრდის ლაბორატორიული კვლევის ხანგრძლივობასა და ხარჯს.
აივ-ზე გამოსაცდელად თაგვების ადაპტირება აქამდეც უცდიათ. მაგალითად, ადამიანის მკერდუკანა ჯირკვლის გადანერგვით, თუმცა ამგვარად ადაპტირებული მღრღნელების აივ-ით ინფიცირება მხოლოდ ინექციის გზით იყო შესაძლებელი.
-
ტეხასელმა მეცნიერებმა თაგვებს მკერდუკანა ჯირკვლისა და ღვიძლის ქსოვილებთან ერთად ადამიანის სისხლის უჯრედებიც გადაუნერგეს. ახალი მეთოდით ადაპტირებული მღრღნელები სქესობრივი კონტაქტის შედეგად დაინფიცირდნენ, ამასთანავე, მათ ორგანიზმში ვირუსის მიგრაცია ინფიცირებული ადამიანის ორგანიზმში მის გავრცელებას შეესატყვისებოდა. ვირუსთან კონტაქტის წინ ანტირეტროვირუსული პრეპარატების გამოყენება საგრძნობლად ამცირებდა ინფიცირების რისკს.
მეცნიერთა ვარაუდით, შესაძლოა, ადაპტირებული თაგვების მოდელი ფასეულ მასალად იქცეს აივ-ის გამოკვლევისთვის, ასევე - პროფილაქტიკისა და მკურნალობის შესაძლო მეთოდების შემუშავებისთვის.