პატრიარქს თოდუას კლინიკაში გამოკვლევები ჩაუტარდა
პროფილაქტიკური კვლევა ჩაუტარდა.
როგორც ”ინტერპრესნიუსს” საპატრიარქოში განუცხადეს, უწმინდესს გამოკვლევა ცოტა ხნის წინ ჩაუტარდა. მათივე ინფორმაციით, ”არსებითი და საგანგებო არაფერი ხდება”.
თავის მხრივ, პატრიარქის პირადი ექიმის, ცისანა შარტავას ინფორმაციით, პატრიარქი ამჟამად თავს კარგად გრძნობს.
”ერთი კვირის შემდეგ უნდა გაკეთებულიყო ეს გამოკვლევა, მაგრამ ვინაიდან პატრიარქი იყო გაციებული და იყო ბრონქიტის ეპიზოდი, გადმოვწიეთ ეს გეგმური გამოკვლევა. ყველაფერი კარგად გაკეთდა, გამოკვლევის შედეგები ძალიან კარგია. პატრიარქი ძალიან კარგად არის. თოდუას კლინიკა უკვე დავტოვეთ და ახლა საპატრიარქოში მივდივართ”, - განაცხადა პატრიარქის პირადმა ექიმმა ცისანა შარტავამ.