მაია ნიკოლაიშვილი: იქ ფიგურირებს მანქანა, სადაც ვიღაც იჯდა და ყველაფერს კარგად ხედავდა
ერთ-ერთი ბრალდებულის მხარემ შუამდგომლობა დააყენა და კომპლექსური ექსპერტიზა მოითხოვა. საქმეში ცნობილი დამოუკიდებელი ექსპერტი მაია ნიკოლეიშვილი უნდა ჩართულიყო, თუმცა გამოძიებამ მის ჩართვაზე უარი განაცხადა.
ნიკოლეიშვილის განმარტებით, ბრალდებულის მხარეს ასევე აინტერესებდა ტანსაცმელსა და სხეულზე არსებული დაზიანებების შედარება, იმისათვის რომ განესაზღვრა რამდენი დანით ჰქონდათ მიყენებული დაზარალებულებს ჭრილობები.
არასრულწლოვანთა მართლმსაჯულების კოდექსის თანახმად, აღნიშნულ საქმეზე წინასასამართლო სხდომა ბრალის წარდგენიდან 40 დღის ვადაში უნდა ჩაინიშნოს. მაია ნიკოლეიშვილის შეფასებით, ასეთი მძიმე საქმის ხარისხიანად გამოძიებას გაცილებით ბევრი დრო სჭირდება:
"გამოძიებას უნდა ჰქონდეს დრო რომ სერიოზულად იმუშაოს. იქ ფიგურირებს მანქანა, სადაც ვიღაც იჯდა და ყველაფერს კარგად ხედავდა. არ ვიცი, იდენტიფიცირებულია თუ არა ეს პიროვნება. კომპლექსურ ექსპერტიზასაც დრო სჭირდება".
ნიკოლაიშვილი ამბობს, რომ ერთ-ერთი დანა ერთ-ერთ გარდაცვლილს ეკუთვნოდა.
მისივე განმარტებით, კოდექსით განსაზღვრული შემჭირდოვებული ვადები გამოძიებას აიძულებს იჩქაროს, რაც გამოძიების ხარისხზე აისახება. დამოუკიდებელი ექსპერტის საქმიდან დისტანცირებაც უკვე იმის მანიშნებელია რომ ბრალდებულებს დაცვაში ხელი ეშლება – აცხადებს მაია ნიკოლეიშვილი.