ქუთაისში, გაზით მოწამლული დედა და სამი შვილი ექიმებმა სიკვდილს გადაარჩინეს
მძიმე მდგომარეობაში მყოფი პაციენტები მეზობლებმა "კლინიკა ბომონდში" გადაიყვანეს, სადაც რეანიმაციულ განყოფილებაში მოათავსეს.
როგორც ცნობილია, ბავშვების დედამ გონების დაკარგვამდე მეზობლისთვის კარზე დაკაკუნება და დახმარების თხოვნა მოასწრო.
"წამებში მოხდა სამედიცინო დახმარების გაწევა. პაციენტები რომ შემოიყვანეს და რეანიმაციულ განყოფილებაში მოათავსეს, დაიძახეს, სწრაფად პედიატრებიო. წამებში მოხდა სამედიცინო დახმარების გაწევა. პაციენტები ჩვენგან სტაბილურ მდგომარეობაში მყოფი თბილისში გადაიყვანეს, სადაც ტოქსიკოლოგის კონსულტაცია ჩაუტარდებათ. რომ არა მყისიერი რეაქცია, შეიძლებოდა გაზით მოწამლვის შედეგად, მორიგი უბედურება მიგვეღო," - ამბობს "კლინიკა ბომონდი"-ს პედიატრიული განყოფილების ხელმძღვანელი ნინო ჩაკვეტაძე.