ბერი გაბრიელ სალოსის ქუჩაზე მიკროავტობუსი 60 წლამდე ქალს შეეჯახა.
გარდაცვლილი მუსკის მასწავლებელი იყო და საბედისწერო დღეს სკოლაში მიდიოდა.
ქალმა სახლის წინ გადასვლა სცადა, რა დროსაც დისტრუბუციის ავტომობილი შეეჯახა. ახალგაზრდა მძღოლი არ გაქცეულა.
მეზობლები ყვებიან, რომ ამ ქუჩაზე ინტენსიური მოძრაობაა, შუქნიშანი ახლოს არ არის, შესაბამისად მოსახლეობას უწევს გზის გადაჭრა იქ, სადაც გადასასვლეი არ არის. ეს ქალბატონიც სამსახურში მიდიოდა, რა დროსაც ამიკროავტობუსი შეეჯახა. მძღოლს, რომელსაც ყველა დადებითად ახასიათებს, მთელი უბანი იცნობს, მას მაღაზიებში პური შეჰქონდა. უწესიერრესი ბიჭია, ძალან განიცდიდა მომხდარს - ამბობენ თვითმხილველები.
დაშავებულის მეზობლებიც თქმით, იგი სასწრაფოს მოსვლემდე გარდაიცვალა: ერთი ამოიხვნეშა და ადგილზე დალია სული. საწყალს შვილიშვილი ახლახანს შეეძინა და მასზე ამოსდიოდა მზე და მთვარე.
მომხდარ ფაქტზე გამოძიება 276-ე მუხლის მეხუთე ნაწილით მიმდინარეობს.