ზვიად ძიძიგური - სადარბაზოს, პარკს ვერ ნახავთ, რომ მარიხუანას სუნი არ იდგეს - ეწევიან ბავშვები, მოზარდები
და უკვე მთელს საქართველოში მარიხუანას მოხმარება კატასტროფულად გაიზარდა, - ამის შესახებ პარლამენტის ვიცე-სპიკერმა ზვიად ძიძიგურმა პარლამენტის რიგგარეშე სხდომაზე განაცხადა.
მისი თქმით, მადლობას უხდის პრემიერსა და შს მინისტრს, რომ მათ მძიმე ნარკოტიკებთან დაკავშირებით არაერთგვაროვანი პოზიცია დააფიქსირეს.
”მარიხუანას ეწევიან ყველგან - ეწევიან ქორწილებში, ქელეხებში, თავშეყრის ნებისმიერ ადგილას. სადარბაზოს, პარკს ვერ ნახავთ, რომ მარიხუანას სუნი არ იდგეს. ეწევიან ბავშვები, მოზარდები. ეს გააკეთა იმ გადაწყვეტილებამ, რომელიც საკონსტიტუციო სასამართლომ მიიღო. მათ სინდისზე იყოს ეს გადაწყვეტილება. რა დღეს უქადის ეს ჩვენი შვილების მომავალს, ამაზე ყველამ უნდა ვიფიქროთ”, - განაცხადა ზვიად ძიძიგურმა.