გოგა პიპინაშვილი: გმირი აღმოჩნდა ჩემი ქალიშვილი, მან შვილისთვის თავი გაწირა...
- ამის შესახებ მსახიობმა გოგა პიპინაშვილმა გაზეთ "გზასთან" მიცემულ ინტერვიუში ისაუბრა. როგორც პიპინაშვილმა განაცხადა, მისი ქალიშვილის ჯანმრთელობის მდგომარეობა მძიმე იყო და ბავშვის გაჩენა თურქეთში მოუწია.
"მშობიარობამდე ორთვენახევრით ადრე დაწვა საავადმყოფოში. პატარა თურქეთში დაიბადა. მძიმე ზაფხული გადავიტანე, სანამ ქვეყანას გიორგი, საოცრება ბიჭი მოევლინებოდა. შვილიშვილის შეძენა ყოველთვის მნიშვნელოვანი მოვლენაა, მაგრამ ჩვენს შემთხვევაში განსაკუთრებული და გამორჩეულია იმითაც, რომ დედამ შვილის გაჩენასთან დაკავშირებით მყარი გადაწყვეტილება მიიღო და ფაქტობრივად, თავი გაწირა. გმირი აღმოჩნდა ჩემი ანო. ალბათ, ყველა მშობელი ასე მოიქცეოდა. ახლა სახლში მყავს პატარა "მზე". ის რომ "გამოანათებს", ჩემს ოჯახში არის სითბო, სიხარული, სიყვარული. პირველი გიორგობა გავიარეთ და მალე, პირველ ახალ წელსაც შევხვდებით..." - განაცხადა პიპინაშვილმა.