განათლების სამინისტრომ ქუთაისში მოსწავლის ცემის ფაქტის შესწავლა დაიწყო
სკოლის მოსწავლის მშობელი, თამარ ქემოკლიძე აცხადებს, რომ პირი, რომელმაც მისი შვილი სცემა, მისივე შვილის კლასელის მამაა და ის პოლიციელის ფორმაში იყო ჩაცმული.
თამარ ქემოკლიძის თქმით, ამ ფაქტს ორი დღის წინ მის შვილსა და შვილის თანაკლასელს შორის მცირე კამათი უძღოდა.
მომხდარის შესახებ ინფორმირებულია სკოლის ადმინისტრაციაც, რომელმაც ფაქტი განთლების სამინისტროს აცნობა. სკოლის დირექტორის განცხადებით, საგანმანათლებლო დაწესებულების მიმდებარე ტერიტორიაზე ნამდვილად იმყოფებოდა მისი სკოლის მოსწავლე და ერთ-ერთი მოსწავლის მშობელი, თუმცა, სცემა თუ არა მამაკაცმა ბავშვს, ეს დირექტორისთვის უცნობია.
შინაგან საქმეთა სამინისტროს განცხადებით, ინფორმაცია თითქოს ბავშვი პოლიციელმა ცემა, სიმართლეს არ შეესაბამება, რადგან აღნიშნული პიროვნება პოლიციელი არ არის. უწყებაში აცხადებენ, რომ საკითხის შესწავლა სამართალდამცველების მიერ კანონშესაბამისად მიმდინარეობს.