იშვიათი ტიპის ტუბერკულოზი ყველის საშუალებით გავრცელდა
ტუბერკულოზის ეს უიშვიათესი ფორმა, რომელსაც ე.წ. ხარის მიკობაქტერია (Mycobacterium bovis) იწვევს, ამერიკაში ბოლო დრომდე განადგურებულად ითვლებოდა, თუმცა 1994-დან 2005 წლამდე ხარის ტუბერკულოზით 260-ზე მეტი ადამიანი დაა-ვადდა. ავადობის პროცენტი წლიდან წლამდე იმატებს. კალიფორნიის უნივერსიტეტის თანამშრომელი ტიმოთი როდველი ხა-რის ტუბერკულოზის პრობლემას შეისწავლის. მისი თქმით, ხარის მიკობაქტერია იშვიათად აზიანებს ფილტვებს, რის გამოც ადამიანისგან ადამიანის დასნებოვნება ნაკლებმოსალოდნელია, მაგრამ მიკობაქტერიის ეს სახეობა გამძლეა პირველი ჯგუფის ანტიტუბერკულოზური პრეპარატების მიმართ, ამიტომ დიდია მკურნალობის კურსის დასრულებამდე ინფიცირებულის გარ-დაცვალების ალბათობა. 2001 წლიდან 2005 წლამდე ტუბერკულოზის ამ ფორმით 19 კაცი დაიღუპა. ინფექციის წყაროს წარ-მოადგენს შეერთებულ შტატებში მეტად პოპულარული ყველი კვეზო ფრესკო, რომელიც მექსიკიდანაც შემოაქვთ და თვით ამე-რიკაშიც ამზადებენ ლათინოამერიკელები. ანტისანიტარიულ პირობებში დამზადებულ ყველს მეტწილად ქუჩის მოვაჭრეები ყიდიან. მექსიკური საქონლის 17% ხარის მიკობაქტერიით არის ინფიცირებული, ხოლო ქუჩის მოვაჭრეებისთვის ჩამორთმე-ულ პროდუქტში სალმონელა და ნაწლავის ჩხირიც აღმოაჩინეს. სიტუაციის კონტროლის მიზნით აშშ-ის ინფიცირებულ რაიონებში საგანმანათლებლო კამპანია და სახლის პირობებში ყველის დამზადების საწინააღმდეგო ღონისძიებები დაიწყო.