პოპულარული მედიკამენტები, შესაძლებელია გემოსა და ყნოსვის დარღვევას უკავშირდებოდეს
კვლევაში მონაწილეობდა დიაბეტით დაავადებული თითქმის 440,000 ზრდასრული პაციენტი. ისინი დაიყვნენ ორ ჯგუფად: ვინც იღებდა GLP-1 RA თერაპიას და დიაბეტით დაავადებული პაციენტების საკონტროლო ჯგუფად, რომლებიც არ იყენებდნენ ამ მედიკამენტებს. ორწლიანი დაკვირვების პერიოდში, პაციენტებს, რომლებიც იღებდნენ GLP-1 RA-ს, ჰქონდათ ყნოსვისა და გემოს დარღვევების გაზრდილი რისკი.
კვლევამ აჩვენა, რომ GLP-1 RA ჯგუფის მონაწილეებს ჰქონდათ ყნოსვის დარღვევების თითქმის გაორმაგებული რისკი და გემოს დარღვევების 52 პროცენტით გაზრდილი რისკი საკონტროლო ჯგუფთან შედარებით. ზოგიერთ შემთხვევაში, დაფიქსირდა ყნოსვის სრული დაკარგვა ან გემოს აღქმის დამახინჯება. ავტორები აღნიშნავენ, რომ GLP-1 RA პრეპარატები, მათ შორის, ოზემპიკი, ცნობილია მათი დადებითი ეფექტებით: წონის დაკლება, გლუკოზის კონტროლის გაუმჯობესება და ბიოლოგიური დაბერების შენელებაც კი. ახალი მონაცემები აჩვენებს, რომ ამ სარგებელს შეიძლება თან ახლდეს გემოსა და ყნოსვის აღქმის მოულოდნელი ცვლილებები, რაც გასათვალისწინებელია თერაპიის დანიშვნისას.