რა მოხდება, თუ რამდენიმე დღე არ დაიძინებ - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რამდენ ხანს შეიძლება გაძლო ძილის გარეშე

მხოლოდ 3 ან 4 ღამის უძილობის შემდეგ უკვე შესაძლებელია ჰალუცინაციების დაწყება. ხანგრძლივმა უძილობამ შეიძლება გამოიწვიოს:

  • კოგნიტიური დარღვევები;
  • გაღიზიანებადობა;
  • რეალობის დამახინჯებული აღქმა;
  • პარანოია;
  • ფსიქოზი.

ძალიან იშვიათ შემთხვევებში კი, უძილობამ შეიძლება სიკვდილიც გამოიწვიოს. სტატიაში განხილულია როგორ მოქმედებს 24 საათით ან უფრო ხანგრძლივად გამოუძინებლად ყოფნა ორგანიზმზე.

რას უნდა ელოდო 24-საათიანი უძილობის შემდეგ?

24-საათიანი უძილობა ბევრისთვის უჩვეულო არ არის: შეიძლება ღამით მუშაობდე ან გამოცდისთვის მომზადებაში გაათენო. მთელი ღამე გაღვიძებული ყოფნა უსიამოვნოა და მეორე დღესაც შეიძლება თავს მძიმედ გრძნობდე. 24-საათიანი უძილობის შედეგად შეიძლება გამოვლინდეს შემდეგი სიმპტომები:
  • ძილიანობა;
  • გაღიზიანებადობა;
  • გადაწყვეტილების მიღების უნარის დაქვეითება;
  • განსჯის უნარის დაქვეითება;
  • მეხსიერების გაუარესება;
  • მხედველობისა და სმენის დარღვევა;
  • თვალისა და ხელის კოორდინაციის დაქვეითება;
  • კუნთების დაძაბულობა;
  • კანკალი.

როგორც წესი, 24-საათიანი უძილობის სიმპტომები ქრება მას შემდეგ, როგორც კი გამოიძინებ.

რას უნდა ელოდო 36-საათიანი უძილობის შემდეგ?

36 საათით გაღვიძებულ მდგომარეობაში ყოფნას სხეულზე უფრო ძლიერი ეფექტი აქვს. ძილისა და ღვიძილის ციკლი არეგულირებს გარკვეული ჰორმონების გამოყოფას, მათ შორის კორტიზოლის, ინსულინისა და ზრდის ჰორმონის. ამიტომაც, ასეთი ხანგრძლივი უძილობა ხელს უშლის სხეულის სხვადასხვა ფუნქციის ნორმალურ მუშაობას. ამაში შედის:
  • მადა;
  • მეტაბოლიზმი;
  • სხეულის ტემპერატურა;
  • განწყობა;
  • სტრესის დონე.

36-საათიანი უძილობის შემდეგ შეიძლება გამოვლინდეს შემდეგი სიმპტომები:

  • უკიდურესი დაღლილობა;
  • ჰორმონალური დისბალანსი;
  • მოტივაციის დაქვეითება;
  • გადაწყვეტილებების მიღება, რომელსაც შეიძლება ზიანი მოჰყვეს;
  • ყურადღების დაქვეითება;
  • მეტყველების პრობლემები.

რას უნდა ელოდო 48-საათიანი უძილობის შემდეგ?

ორი ღამის უძილობის შემდეგ ჩნდება შემდეგი პრობლემები: საყურადღებო ამოცანების შესრულების სირთულე, განწყობის ცვლილებები და დაძაბულობის მომატებული შეგრძნება. უძილობამ შეიძლება გამოიწვიოს მცირეხნიანი მსუბუქი ძილის ეპიზოდები, რომლებიც 30 წამამდეც კი გრძელდება. ამ დროს ტვინი ძილის მსგავს მდგომარეობაშია. ასეთი ეპიზოდების შემდეგ შეიძლება იგრძნო დაბნეულობა ან დეზორიენტაცია.

48 საათის განმავლობაში უძილობა ასევე არღვევს იმუნურ სისტემას. ზოგიერთმა კვლევამ აჩვენა, რომ ბუნებრივი მკვლელი (NK) უჯრედების აქტივობა უძილობის დროს იკლებს. NK უჯრედები სისხლის უჯრედებია, რომლებიც ჯანმრთელობის დაუყოვნებელ საფრთხეებზე, მაგალითად, ვირუსებზე ან ბაქტერიებზე რეაგირებენ.

რას უნდა ელოდო 72-საათიანი უძილობის შემდეგ?

სამი დღე უძილოდ ყოფნა სერიოზულად ზღუდავს ნათლად აზროვნების უნარს. კომპლექსური ამოცანების შესრულება, დეტალების დამახსოვრება და ყურადღების კონცენტრაცია ძალიან რთულდება. ამ დონის ძილის უკმარისობა ხელს უშლის ადამიანებს იმაში, რომ მარტივი ამოცანებიც კი ბოლომდე მიიყვანონ. ასეთ დროს ემოციებიც დიდი სტრესის ქვეშაა. 3-დღიანმა უძილობამ შეიძლება გამოიწვიოს გაღიზიანებადობა, დეპრესიული განწყობა, შფოთვა ან პარანოია. ძილის უკმარისობა ართულებს სხვისი ემოციების აღქმასაც. ერთ-ერთ კვლევაში მონაწილეებს, რომლებიც 30 საათი არ დაეძინათ, უჭირდათ სიბრაზისა და სიხარულის გამომხატველი სახის ამოცნობა.

ასევე, რამდენიმედღიანი უძილობა მნიშვნელოვნად ცვლის აღქმას. შეიძლება განიცადო ჰალუცინაციები — როდესაც ხედავ რაღაცას, რაც რეალურად არ არსებობს. ხშირია ილუზიებიც — რეალური საგნის არასწორი ინტერპრეტაცია. მაგალითად, შეიძლება საგზაო ნიშანი არასწორად აღიქვა და საპირისპიროდ იმოქმედო.

რა მოხდება, თუ უძილობა ქრონიკულ ფაზაში გადავა?

ქრონიკული უძილობა ნიშნავს იმას, რომ ადამიანს ძილი რეგულარულად აკლია, რაც განსხვავდება დროდადრო უძილობისგან. ქრონიკული უძილობა დაკავშირებულია როგორც მოკლევადიან, ისე გრძელვადიან ჯანმრთელობის რისკებთან. მოკლევადიან პერიოდში (მაგალითად, ერთ კვირაში) ძილის უკმარისობამ შეიძლება გამოიწვიოს:
  • შფოთვა;
  • არასტაბილური განწყობა;
  • ძილიანობა;
  • მეხსიერების გაუარესება;
  • კონცენტრაციის დაქვეითება;
  • გამოფხიზლების გაძნელება;
  • კოგნიტიური დარღვევები;
  • პროდუქტიულობის შემცირება სამსახურის ან სწავლის დროს;
  • ავადმყოფობის ან ტრავმის რისკის ზრდა.
გრძელვადიან პერიოდში კი, არასაკმარისი ძილი ამცირებს იმუნური სისტემის ფუნქციონირებას და ზრდის რიგი დაავადებების განვითარების რისკს, მათ შორისაა:
  • მაღალი არტერიული წნევა;
  • გულ-სისხლძარღვთა დაავადებები;
  • ინსულტი;
  • სიმსუქნე;
  • დიაბეტი;
  • ფსიქიკური აშლილობები.
ასე რომ, დროდადრო ერთი ღამის უძილობა გრძელვადიან ზიანს არ მოგაყენებს, მაგრამ თუ ეს რეგულარულად ხდება, სასურველია, კონსულტაცია სპეციალისტთან გაიარო. ასე ჯანმრთელობის კონტროლს შეძლებ და მიიღებ რჩევებს, თუ როგორ უნდა დაბრუნდეს ძილის რეჟიმი ნორმალურ მდგომარეობაში.