წელს საქართველოში სოკოთი მოწამვლის რაოდენობამ სეზონური მოწამვლის ზოგად რაოდენობას გადააჭარბა
ამ საკითხის შესახებ საქართველოს კლინიკური ტოქსიკოლოგიის ასოციაციის თავმჯდომარემ, თემურ კობიძემ, „მედიაცენტრ მთავარში“ განცხადება გააკეთა. რეგიონების მიხედვით ყველაზე მეტი შემთხვევა დაფიქსირდა იმერეთში, კერძოდ, ზესტაფონში, საჩხერესა და ჭიათურაში, ხოლო შემდეგია კახეთი და შიდა ქართლი.
"საკვებად ვარგისი სოკოს გვერდით იზრდება მისი შხამიანი ორეული, რაც ძალიან ძნელი გასარჩევია, მით უმეტეს, გამოუცდელი თვალისთვის", — განაცხადა თემურ კობიძემ. მისივე თქმით, სიმპტომები იწყება კიდურების დაბუჟებით, ცივი ოფლით, გულისცემის მოშლით, ასევე ნელ-ნელა მხედველობა იბინდება, იმატებს ძილიანობა და სისუსტე. ტოქსიკოლოგი მოსახლეობას აფრთხილებს და მოუწოდებს, რომ სოკოების მოკრეფისგან თავი მაქსიმალურად შეიკავონ.
ამ ეტაპზე სოკოთი მოწამვლის ლეტალური შემთხვევა არ დაფიქსირებულა.